Good Causes
ORANJESTAD, Aruba – 15 di october, 2015: Durante di e dianan di vakantie grandi, e hoben tri-atleta Giannon Eights tabata tin dos compromiso den exterior. Ta asina cu e hoben Eights a competi den dos evento di Kids Triathlon International na Gainesville como tambe North Miami ambos den e estado di Florida. Mester bisa cu ambos competencia a bay na satisfaccion pa e atleta Giannon Eights mirando cu den tur dos evento, e la logra subi riba podium.
Oranjestad, Aruba - 14 di october, 2015: Den e weekend tras di lomba, Aruba Table Tennis Association a organisa e torneo internacional den tennis di mesa esta Dutch Caribbean Championship 2015 cu participacion di Boneiro, Corsou, Surnam y Aruba. Mester bisa cu e torneo tabata uno hopi exitoso y sigur pa e seleccion di Aruba esaki tabata uno satisfactorio mirando e cantidad di premionan cu a wordo conkista. A hunga weganan individual y den ekipo, esaki den e categorianan U-11, U-13, U-15, U-18, Open y Masters. E resultadonan ta como lo siguiente.
ORANJESTAD, Aruba – 14 di october, 2015: Recientemente e federacion di volleyball, Aruba Volleyball Association, a inicia cu nan campeonato di volleyball 2015 den e categorianan masculino y femenino. Tur aña e federacion di AVA ta promove e deporte di volleyball bou di nos hoben y adolescentenan cu kier sigui desaroya nan mes den e deporte aki. Es mas, awo tambe e federacion ta trahando duro pa haya mas atleta participa na e deporte di beach volleyball, cual sigur ta un deporte revelacion di e ultimo añanan.
ORANJESTAD, Aruba - 14 di october, 2015: Hopi recien un delegacion den e deporte di hisamento di peso a competi den e XXX Torneo Criollo Internacional de Levantamiento de Pesas cu ta tuma luga den e ciudad di Caguas na Puerto Rico. E torneo aki ta uno di nivel halto unda e miho atletanan di pesas den e region di Caribe ta competi contra di otro. Mester bisa cu nos atletanan di pesas a briya durante di e competencia aki unda no menos cu 18 medaya a wordo conkista.
ORANJESTAD, Aruba – 13 di october, 2015: Despues di un exitoso evento na maart ultimo unda un gran cantidad di atletanan di judo a participa na e prome Subway Challenge, recientemente a ripiti e grandioso evento cu a haya e nomber di Subway Challenge number dos esaki na Eagle Sport Club. Un bon publico a asisti na e evento di judo cu a conta cu un participacion di alrededor di 80 judoka. Esunnan presente por a disfruta den e diferente combatenan den e categorianan 1 – 2 – 3, cadet, junior y senior.
Read more: Lotto ta felicita e federacion di judo cu nan exitoso torneo Subway 2 Challenge
ORANJESTAD, Aruba – 14 di october, 2015: E aña aki Aruba un bes mas ta sede di un torneo deportivo internacional unda paisnan den nos region ta bin y competi hunto cu e atletanan di Aruba mes. Lotto pa medio di Comision di Subsidio a duna su contribucion door di otorga subsidio na eventonan deportivo internacional cu ta ser teni na Aruba mes. Durante e dianan di 8, 9, 10 y 11 di Oktober ultimo, e federacion di ahedrez di Aruba a organisa su torneo anual “Aruba Chess Challenge edicion 2015.
ORANJESTAD, Aruba – 13 di october, 2015: Tur aña Aruba ta sede di diferente torneonan deportivo internacional unda paisnan den nos region ta bin y competi hunto cu esunnan di Aruba mes. Den e vakantie di luna di october cu a caba di pasa, mayoria di nos atletanan tawata mas activo cu nunca cla pa atende compromisonan na Aruba of den exterior. Riba dianan 1 y 2 di october, e federacion di ciclismo, seccion BMX tawatin un careda internacional grandi riba e Pista di Bike Cross na Jaburibari.
Read more: Competencia internacional di bike cross cu participacion di Venezuela, Corsou y Aruba
