Good Causes
ORANJESTAD, Aruba - 16 di September, 2015: Ta importante pa congresonan den nos continente ser atendi pa e representantenan maximo di nos federacionnan deportivo, esaki pa un continuacion positivo cu lo yuda na engrandece e desaroyo di e deporte den su totalidad. Den e dianan venidero, e secretaria general di Aruba Triathlon Association, sra. Glenda Croes-Tromp, lo ta saliendo pa e ciudad di Chicago, Illinois, unda e campeonato mundial di triatlon ta tumando luga.
Read more: Aruba Triathlon lo atende e 28 ITU Congress na Chicago, Merca
ORANJESTAD, Aruba - 16 di september, 2015: Diadomingo 13 di september proximo, Aruba Triathlon Association a organisa su Guardian Group Duathlon Nacional pa mucha, junior y adulto. Na e mainta aki por a competi den e categorianan individual of den ekipo di relevo. E evento a cuminsa na Boca Catalina pa 7:00 di mainta.
Read more: Aruba Triathlon Association a organisa un competencia di Duathlon
ORANJESTAD, Aruba - 11 di september, 2015: Diaranson ultimo, e directiva di Aruba Sport Unie haci entrega di e certificado di participacion na e cursistanan cu a sigui e curso di CPR/Prome auxilio como tambe Mercadeo pa e miembronan di e federacionnan deportivo, coachnan, atletanan y demas boluntario. Mirando e demanda grandi di parti di esunnan cu ta traha den e mundo deportivo local y e exito di e prome curso algun luna atras, e directiva di ASU a tuma e iniciativa pa cuminsa cu un di dos curso cu a termina exitoso.
ORANJESTAD, Aruba - 16 di september, 2015: Pa casi un siman largo, nos atletanan elite den e deporte di BMX, esta Zaythiel Soekandar y Feddison Flanders hunto cu coach Pedro Estabalo a permanece na Rock Hill, South Carolina na Merca, unda e atletanan Soekandar y Flanders lo atende un campo di entrenamento como tambe competi den e 2015 UCI BMX Supercross World Cup Finals. Durante dos dia largo, mas cu 200 coredo profesional di bike cross procedente di 25 pais lo bataya pa e tres miho puestonan disponibel. Na e careda aki e atletanan por acumula pa yega na e clasificacion Olimpico di otro aña na Rio de Janeiro, Brasil.
ORANJESTAD, Aruba - 10 di september, 2015: Despues di algun luna di competencia, e Copa Teams Betico Croes den e deporte di tennis di mesa a yega su final den A-klas y B-klas. Despues di e pasa den henter e proceso eliminatorio, e miho ekiponan di A-klas y B-klas mester a bataya pa e premio maximo.
Read more: Lotto ta felicita e ekiponan campeon den Copa Teams Betico Croes den Ping Pong
ORANJESTAD, Aruba - 14 di september, 2015: Apesar di no a logra e clasificacion pa e di cuater buelta den e "Road to Russia", e seleccion nacional di futbol di Aruba a brinda un tremendo espectaculo den su wega contra di St. Vincent & Grenadines. Diamars ultimo e seleccion di Aruba a enfrenta e seleccion di St. Vincent & Grenadines unda Aruba mester a purba na kita e deficit den e wega di ida perdi 2 - 0.
ORANJESTAD, Aruba - 10 di september, 2015: Pa 29 aña largo, Jose Wever ta maneha e campeonato di futbol infantil na Aruba y alabes ta encarga cu e seleccion di Aruba U -13, cu pa hopi aña tin su propio torneo internacional di futbol esaki relaciona cu e celebracion di nos Himno y nos Bandera. Desde su existencia na aña na 1986, LIFIDA ta percura pa organisa e campeonato di futbol infantil cu ta conta cu un participacion riba mil mucha den tur edad.
Read more: Lotto ta contribui cu e campeonato di futbol infantil, LIFIDA
