ORANJESTAD, Aruba – 14 di october, 2015: E aña aki Aruba un bes mas ta sede di un torneo deportivo internacional unda paisnan den nos region ta bin y competi hunto cu e atletanan di Aruba mes. Lotto pa medio di Comision di Subsidio a duna su contribucion door di otorga subsidio na eventonan deportivo internacional cu ta ser teni na Aruba mes. Durante e dianan di 8, 9, 10 y 11 di Oktober ultimo, e federacion di ahedrez di Aruba a organisa su torneo anual “Aruba Chess Challenge edicion 2015.

E aña aki e federacion di ahedrez a cumpli su di 69 aniversario y no tin nada mas bunita cu celebra esaki cu un torneo internacional cu lo conta cu participacion di paisnan manera Corsou, Boneiro, Surnam, Venezuela y mas cu claro di Aruba mes. E Conference Room of La Cabana Beach Resort and Casino a fungi como e cas di e Aruba Chess Challenge 2015. E torneo a wordo hunga den 3 categoria esta “Open Group” cu premionan efectivo, U-18 y U-12, mientras a hunga 7 rond den Open y U-18. Pa loke ta e categoria U-12 esakinan a hunga 9 rond. Tawatin premio pa tur hungado den cada categoria.

Un danki sigur na Lotto, e Loteria di Aruba pa medio di Comision di Subsidio cu a subsidia e torneo internacional anual Aruba Chess Challenge organisa pa e federacion di ahedrez Aruba.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.