fbpx

Good Causes

BodyboardOCT2015 1Oranjestad, Aruba: 17 di october, 2015: Recientemente un delegacion di Aruba den e deporte di bodyboard a competi pa dos siman y mei, den e dos diferente competencia organisa pa e asociacion mundial di bodyboard profesional, A.P.B. na e pais di Portugal. Nos e atletanan Jeremy Loefstok, Joshua Kelly, Anthony Wever y Jayfrem Croes a bataya fuerte contra di e top mundial den e deporte acuatico durante di e Sintra Pro 2015 y Nazare Pro 2015 ambos organisa pa e Association of Professional Bodyboarders. E atleta a competi den diferente categoria manera men's open division, dropknee division y junior division. Pa nos atletanan di bodyboard esaki sigur tabata un oportunidad y experiencia unico mirando cu nan a competi contra di e mihonan di mundo den e deporte extremo aki.

 

BasketballOCT2015ORANJSTAD, Aruba - 16 di october, 2015: Recientemente Aruba Basketball Bond a ricibi un invitacion pa atende un FIBA Zone Assembly 2015. E FIBA Zone Assembly 2015 lo tuma luga e dianan 16 y 17 di October na e ciudad di San Juan, Puerto Rico unda e Headquarters di FIBA Americas ta situa. Aruba tambe lo ta presente na e congreso aki den persona di e presidente di Aruba Basketball Bond, Sr. Geraldo Milton.

FEBIAR OCT2015 2ORANJESTAD, Aruba – 15 di October, 2015: Despues di un pauze cortico, e federacion di biyar Arubano, FEBIAR ta cla pa start cu nan schedule pa loke ta e final di e temporada di biyar di e aña 2015. Den e dos lunanan tras di lomba algun di nos top hungadonan di biyar tabata activo den entre otro torneo internacional renombra na nos hermana isla di Corsou como tambe na e Pan Americano di biyar cu e tuma luga na Buenos Aires, Argentina. Den e siman binidero e campeonato lo reanuda y lo sigui te cu den e di tres siman di november.

TriatlonOCT2015 3ORANJESTAD, Aruba - 16 di october, 2015: Caredanan di triatlon por varia den distancia, for di caredanan riba distancia cortico pa distancianan super largo. Actualmente un di e formato mas popular ta e asina yama Sprint Triathlon. E careda di Sprint Triatlon ta consisti di 750 meter landa, 20km core bicicleta y finalisa e competencia cu un 5 km careda na pia. E ta wordo yama un sprint triathlon mirando e distancianan cortico cu un atleta mester core durante di e competencia. Esaki ta pone cu e atleta por landa, core bicicleta y core na pia den un ritmo basta lihe compara cu riba distancianan largo caminda e atleta mester bay mucho mas relaha y cu hopi mas resistencia pa e por finalisa su evento.

Softbol Femenino OCT2015ORANJESTAD, Aruba - 15 di october, 2015: Recientemente e seleccion di Aruba femenino di softball U-15 a sali pa e competi den e campeonato Sur Americano de Softbol Sub-15 cu e aña aki a tuma luga na e ciudad di Chincha, Peru. E torneo ta cay bou di e campeonato di Concursa tawata bon representa e aña aki. Na e torneo a conta cu participacion di paisnan manera Colombia, Brasil, Bolivia, Ecuador y e propio pais anfitrion Peru.

Aruba Chess 2015 OCT 1ORANJESTAD, Aruba - 16 di october, 2015: Den e weekend cu a pasa, Aruba tabata sede di un torneo internacional di ahedrez cu a conta cu participacion di Venezuela, Boneiro, Corsou, Surnam y nos propio hungadonan di Aruba. E Aruba Chess Challenge 2015 sigur tabata uno exitoso unda nos hungadonan di Aruba durante 4 dia a bataya fuerte contra esunnan di exterior. E aña aki e federacion di ahedrez lo cumpli su di 69 aniversario y a celebra esaki cu un torneo internacional di taya. Tur e weganan a tuma luga den e Conference Room of La Cabana Beach Resort and Casino. E torneo lo wordo hunga den 3 categoria esta “Open Group” cu premionan efectivo, U-18, U-12 y U-10.

Inter OCT2015 3ORANJESTAD, Aruba - 15 di october, 2015: Recientemente un delegacion di Aruba den e deporte di Paso Fino a competi den e Inter Curacao 2015. E competencia a tuma luga e dianan 2 pa 4 di october. Mester bisa cu Aruba a participa cu diferente jinete y amazonanan kendenan a bataya fuerte contra di esunnan di Corsou, Merca, Republica Dominicano, Puerto Rico, Colombia y Venezuela.

  1. Tri-atleta Giannon Eights a logra un resultado satisfactorio den dos Kids Triathlon na Florida
  2. Lotto ta felicita e seleccion di Aruba den tennis di mesa cu a logra triunfa den tur categoria den Dutch Caribbean Championship 2015
  3. Lotto, e loteria di Aruba ta felicita e delegacion di pesas cu a logra conkista 18 medaya den e torneo internacional na Puerto Rico
  4. Cu ayudo di Lotto: Federacion di ahedrez a celebra su di 69 aniversario cu torneo internacional Aruba Chess Challenge 2015
DMC Firewall is a Joomla Security extension!