Good Causes
Organisacion di futbol, LIFIDA a tene torneo di futbol celebrando e ASU Olimpiada 2015
- Details
Oranjestad, Aruba - 29 di october, 2015: Diadomingo ultimo, e organisacion di LIFIDA e tene un torneo di futbol den Joe Laviest Ballpark y a conta cu participacion di e seleccion U-13 como tambe e ekiponan di SV La Fama, Brazil Jrs y RCS. E torneo di futbol tabata den conexion cu e celebracion di e ASU Olimpiada 2015. Ya for di mainta tempran a cuminsa cu e prome weganan cu a dura te den oranan di merdia.
Read more: Organisacion di futbol, LIFIDA a tene torneo di futbol celebrando e ASU Olimpiada 2015
Federacion di atletismo lo organisa un competencia ariba distancia largo en conexion cu e ASU Olimpiada 2015
- Details
ORANJESTAD, Aruba 29 di october, 2015: Dia 28 di november proximo, e federacion di atletismo, A.A.B. lo organisa un otro competencia esaki en conexion cu e celebracion di ASU Olimpiade 2015. E competencia lo tuma luga den stadion Guillermo Prospero Trinidad. E competencia lo ta riba e distancia largo den diferente categoria. Cuminsando for di e edad di pupilo 4 – 5 aña cu lo tin cu core riba e un distancia di 150 meter te na categoria open cu lo recori un distancia mas largo te cu 1500 meter. Mas cu claro esaki ta den e categorianan femenino y masculino.
Aruba Amateur Weightlifting Association lo organisa Aruba Nationals 2015
- Details
Oranjestad, 29 di october, 2015: Despues di e tremendo resultado obteni tres siman pasa den e XXX Torneo Criollo Internacional de Levantamiento de Pesas na Puerto Rico, e federacion di hisamento di peso, Aruba Amateur Weightligting Association ta cla pa organisa otro competencia local pa tur su atletanan. Diadomingo 1 di november proximo, AAWA lo organisa Aruba Nationals 2015 esaki den conexion cu e ASU Olimpiade. E competencia lo start pa 11or di mainta esaki den Centro Deportivo Frans Figaroa na Noord. Varios club di pesas a confirma nan participacion mientras cu dos scol di Cross Fit y nan atletanan tambe lo tey presente.
Read more: Aruba Amateur Weightlifting Association lo organisa Aruba Nationals 2015
Atletanan di landamento lo competi den e XXXIII Torneo Internacional de Natacion Delfines del Naco na Republica Dominicana.
- Details
Oranjestad, 20 di october, 2015: E dianan 26, 27, 28 y 29 di november proximo un delegacion den e deporte di landamento lo bishita e pais di Republica Dominicana. E competencia lo wordo organisa pa Club Delfines del Naco y lo ta e di 33 edicion di e competencia cu participacion di varios pais den Caribe. Mas cu claro nos landadonan di Aruba tambe lo forma parti di e competencia aki. E delegacion lo consisti di cinco atletanan Keeley Maduro, Brandon Cheong, Daniel Jacobs, Patrick Groters y Anahi Schreuders. E competencia mes lo tuma luga den e Compleho Acuatico del Centro Olimpico Pablo Duarte, unda e competencianan di e Weganan Panamericano 2003 a concentra.
Atleta Cherley van der Linden a competi den e Caribbean Cycling Championship na Barbados
- Details
Oranjestad, 20 di october, 2015: Recientemente e atleta femenino di ciclismo, Cherley van der Linden a competi den e campeonato di ciclismo di ruta den e region di Caribe yama Caribbean Cycling Championship edicion number diescinco na e isla di Barbados. Mas cu 90 atleta di 20 pais den nos region a competi na e campeonato aki cu a dura dos dia. Riba e prome dia di competencia tabata tin e famoso careda contra holoshi, mientras pa su mañan tabata tin e competencia di ruta.
Read more: Atleta Cherley van der Linden a competi den e Caribbean Cycling Championship na Barbados
Atletanan di BMX lo competi den e Disney Cup Fall Nationals na Miami, Florida
- Details
ORANJESTAD, Aruba - 19 di october, 2015: Despues cu e delegacion di BMX atende e campo di entrenamento na Tampa como tambe competencia di Gator Nationals Supercross Series na Olsmar, Florida, e atletanan lo tin nan proximo compromiso cu lo ta e Disney Cup Fall Nationals, esaki di 23 pa 25 di october na Orlando, Florida. Mester menciona acerca cu e coredonan Freddy Flanders, Zaithyel y Zyqion Soekandar, Jaymer Carolina y Jamil Figaroa lo permanece algun dia na Oldsmar pa asina keda entrena riba e pista di Supercross Series. Su siguiente siman nan lo sigui pa Orlando pa e competencia di Disney Cup.
Read more: Atletanan di BMX lo competi den e Disney Cup Fall Nationals na Miami, Florida
Delegacion di BMX lo atende un campo di entrenamento y competencia na Oldsmar y Tampa, Florida
- Details
ORANJESTAD, Aruba - 17 di oktober, 2015: Actualmente tin un algun atleta den e deporte di ciclismo, seccion BMX ta den pleno preparacion pa loke ta dos competencia fin di luna di october na Florida. E prome evento lo ta na Oldsmar unda lo tin e inauguracion di e pista Supercross/Olympic Track. Eynan lo tin e competencia di Gator Nationals Supercross Series, un evento di Merca pero cu varios coredo internacional participando entre otro nos atletanan di Aruba. E atletanan cu lo realisa e biaha aki ta Freddy Flanders, Zaithyel y Zyqion Soekandar, Jaymer Carolina y Jamil Figaroa, mientras como coach lo biaha Pedro Estaba.
- Atletanan di bodyboard a competi den dos A.P.B. World Tour na Portugal
- Aruba Basketball Bond lo atende congreso di FIBA Americas na San Juan, Puerto Rico
- Sprint Triatlon organisa pa Aruba Triathlon Association lo ta 18 di oktober proximo
- Lotto ta felicita tur e premiadonan den e Aruba Chess Challenge 2015
