ORANJESTAD, Aruba – 13 di october, 2015: Recientemente e federacion di ciclismo Arubano, AWB a haya un invitacion for di e federacion di ciclismo di Puerto Rico pa asisti na un evento di mountain bike regional, e asina yama Elite Caribbean Championship Mountain Bike, cu lo tuma luga na San Juan, Puerto Rico. Dia 25 di September e evento aki a inicia mientras cu Aruba lo participa cu dos atleta masculino y un atleta femenino.
E atletanan masculino lo ta Jose Maduro kende lo competi den e categoria Elite Men, mientras cu e hoben Tim Henkman lo representa Aruba den e categoria di Junior Men. Pa loke ta e atleta femenino esaki lo ta Sandra Postma kende lo competi pa Aruba den e categoria di Elite Woman. Como coach lo biaha cu e delegacion e conocido Aldrich Maduro. Mester bisa cu e atletanan di mountain bike tawata den pleno preparacion pa cu e evento aki y nos tin sigur cu nan a representa Aruba dignamente na Puerto Rico.
Lotto, E Loteria di Aruba ta apoya e federacion di ciclismo kende ta trahando duro pa asina nos atletanan di mountain bike competi den e diferente campeonatonan den nos region. Esaki sigur lo a sirbi como un experiencia mas pa e atletanan di mountain bike.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e delegacion di mountain bike pa e Elite Caribbean Championship Mountain Bike cu la tuma luga na San Juan, Puerto Rico.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
