fbpx

Good Causes

Easy Ware NOV2015 2ORANJESTAD, Aruba – 3 di november, 2015: Den cuadro di e modernisacion y upgrading di tur nan competencianan, e federacion di atletismo Arubano, AAF ta organisando varios curso pa tur interesadonan. E federacion ta trahando duro pa acopla mas boluntario pa yuda den nan actividadnan y pa e motibo aki ta organisando diferente curso cu instructornan profesional di exterior.

TangSooDo NOV2015ORANJESTAD, Aruba - 3 di november, 2015: Dia 7 di november proximo, Aruba Tang Soo Do lo presenta un torneo internacional di deporte riba nos isla cu lo carga e nomber di Aruba Tang Soo Do International Championship 2015. E evento di Tang Soo Do lo bira e prome torneo internacional organisa pa Kyo Sah Nim 2 Dan, Richard Vrolijk, candidato pa 3 Dan di Aruba Tanmagno g Soo Do. E prestigioso Renaissance Convention Center lo host e torneo aki.

Alex BiesumOCT2015ORANJESTAD, Aruba 30 di october, 2015: Den cuadro pa engrandece su propio conocemento riba e area di coaching y alabes yuda na e desaroyo di nos hoben atletanan di bowling yega na un nivel mas halto esaki hunto cu e otro coachnan, Sr. Alex Biesum a atende e USBC Coaching Silver Certification Conference na Texas, Merca. E curso tabata tin un duracion di dos dia largo y tabata consisti di entrenamento teoretico y practico, esaki con pa yuda mehora e aspectonan tecnico y tactico di e atleta cu ta practica e deporte di bowling.

Judo 1Oranjestad, Aruba - 3 di november, 2015: Diaranson atardi durante di un conferencia di prensa, e federacion di judo, AJB a anuncia un serie di actividad e dianan binidero cu e conocido judoka Hulandes, Denny Meeuwsen. E actividadnan ta en conexion cu e celebracion di e di 5 aniversario di World Judo Day. E biaha aki e tema di e celebracion lo ta "Unity". Rond mundo tin mas cu 20 miyon persona ta practica e deporte mientras 195 federacion nacional ta miembro di e federacion mundial di judo, IJF.

Boxing OCT2015Oranjestad, Aruba - 30 di october, 2015: E ASU Olimpiada no por wordo celebra sin cu tin un actividad di deporte. Varios federacionnan deportivo miembro di Aruba Sport Unie lo celebra e ASU Olimpiada 2015 e aña aki. Mayoria di nan lo organisa un competencia di un dia pa tur nan atletanan. Dia 31 di October proximo, e federacion di boxeo lo ofrece un tremendo programa boxistico na YMCA San Nicolas cuminsando pa 7.30 di anochi.

Tafeltennis Oct2015 1ORANJESTAD, Aruba - 30 di october, 2015: Despues di e exitoso Dutch Caribbean Championship unda nos atletanan di tennis di mesa a conkista cu mayoria di e premionan, e hungadonan no tabata tin un descanso unda nan a bataya pa e ranking di luna di october. Cada luna e competencia di ranking ta wordo teni y esaki tin su acohida den tur categoria. E competencianan ta fuerte den e categorianan Infantil, Hubenil, Senioren y Masters.

MountainBikeOCT2015Oranjestad, Aruba - 29 di october, 2015: Recientemente un delegacion den e deporte di ciclismo, seccion mountain bike a competi den un evento cu a tuma luga na South Florida, Merca. Durante dos dia largo, e atletanan hoben di mountain bike Michelle van Vliet, Ruson Gonzales y Zayra Felix hunto cu nan coach Gert van Vliet a participa den e asina yama Coconut Cup South Florida Championship Series. Un cantidad grandi di participante a forma parti di e evento aki cu ta masha popular den e area.

DMC Firewall is a Joomla Security extension!