Good Causes
Oranjestad, Aruba - 2 di september, 2015: Fin di luna di augustus Aruba a celebra un otro evento deportivo internacional, cu a conta cu participacion di varios participante di exterior, esaki na Villa Floralina. E Interpaso 2015 organisa pa e Organisacion Caballista Arubano, OCA, tawata uno masha grandi mirando cu e aña aki a celebra e di 30 aniversario di e competencia di cabay mas grandi riba nos isla. E diferente jinete y amazonanan di Aruba a competi contra di esunnan di Corsou, Merca, Republica Dominicano, Puerto Rico, Colombia y Venezuela. Entre e participantenan tawatin algun di nivel mundial cu ta bale la pena pa admira.
Read more: Competencia di Interpaso 2015 a celebra su di 30 aniversario unico den su estilo
ORANJESTAD, Aruba - 2 di september, 2015: Cu un total di 48 medaya conkista durante di e World Games na Los Angeles, e delegacion di 26 atleta di Special Olympics Aruba a regresa cas bek satisfactoriamente. Bou di un entusiasmo grandi, henter e delegacion a ser spera pa un grupo di famia, amigo y conocirnan kendenan a duna e delegacion su merecido bon bini na nos isla. Durante di un periodo di casi dos siman largo, e atletanan di Special Olympics Aruba a bataya contra otro atletanan special rond mundo den e diferente ramonan di deporte.
ORANJESTAD, Aruba - 28 di augustus 2015: E dianan 8 y 9 di augustus un delegacion den e deporte di ciclismo di ruta a competi den e Junior Caribbean Cycling Championship na Republica Dominicana. E aña aki e competencia a wordo organisa pa e federacion dominicano di ciclismo.
ORANJESTAD, Aruba - 31 di augustus, 2015: Despues di a competi luna pasa na e Curacao Chess Festival 2015, unda cu nos atletanan den e deporte di ajedrez a haci un tremendo presentacion logrando varios titulo, e biaha aki e Federacion di Ajedrez di Aruba a prepara pa un otro competencia fuerte y mas grandi cu ta e Central America and Caribbean (CAC) Youth Chess Festival 2015, na e pais di Trinidad & Tobago.
Read more: Delegacion di Ajedrez a competi den e C.A.C. Chess Festival na Trinidad & Tobago
ORANJESTAD, Aruba - 27 di augustus, 2015: Renobacion di e compleho deportivo multi funcional Joe Laveist Ballpark ta den su fase final y ta cla pa oficialmente wordo inaugura dentro di algun siman. E facilidad deportivo di Joe Laveist lo bira un compleho deportivo y alabes recreativo multi-funcional.
Read more: Joe Laveist Ballpark a haya un scoreboard nobo - Cu ayudo di Lotto, E Loteria di Aruba
ORANJESTAD, Aruba - 29 di augustus, 2015: For di dia 7 pa 9 di augustus, un delegacion den e deporte di taekwondo a competi na e 2015 Pan American Taekwondo Youth Open na Chicago, Merca. E delegacion a consisti di 4 atleta den e categoria di cadet y junior, unda Aruba a wordo representa pa e dos rumannan femenino y alabes prospecto grandi den e deporte di taekwondo, Chiara y Sophia Petrocchi como tambe e dos atletanan masculino Alex Fernandez y Christian Croes. Como coach lo biaha Teofilo Rodriguez.
ORANJESTAD, Aruba - 26 di augustus, 2015: Un deporte cu sigur ta den pleno desaroyo ta esun di Karate. Ya pa algun aña e deporte di karate ta bin ta creciendo den forma rapido y cu varios scolnan nobo. Aruba Karate Bond ta trahando duro na bienestar di su atletanan y ta haci nan maximo esfuerso pa hiba nan atletanan algun competencia di fogeo den exterior. Mester inverti den nos atletanan hoben cu ta haya e oportunidad di competi den torneonan internacional y na mes momento representa e isla di Aruba den exterior. Esaki ta e unico manera pa midi nan nivel di deporte compara cu e atletanan eyfo.
Read more: Atletanan di karate lo participa den e Panamericano di karate na Bolivia
