Oranjestad, Aruba - 14 di october, 2015: Den e weekend tras di lomba, Aruba Table Tennis Association a organisa e torneo internacional den tennis di mesa esta Dutch Caribbean Championship 2015 cu participacion di Boneiro, Corsou, Surnam y Aruba. Mester bisa cu e torneo tabata uno hopi exitoso y sigur pa e seleccion di Aruba esaki tabata uno satisfactorio mirando e cantidad di premionan cu a wordo conkista. A hunga weganan individual y den ekipo, esaki den e categorianan U-11, U-13, U-15, U-18, Open y Masters. E resultadonan ta como lo siguiente.

Den e categoria Teams den U-11, e ekipo di Aruba 1 consisti den e hungadonan Robert Dirksen, Bob Cheung y Lo Tsing Cheung ta titula campeon na di dos luga ta kea Surnam y na di tres luga e combinacion di Boneiro/Aruba. Den e categoria U-13, un bes mas Aruba 1 consisti di e hungadonan Jhonathan Paredes, Ching Ho Chung y Lo Wa Cheung ta titula campeon, na di dos luga ta keda e team di Aruba 2 cu a consisti di e hungadonan Joshua Paredes, Jeremy Ras y Kayle Hughes, na di tres luga a keda e ekipo di Boneiro. Den e categoria U-15, nos ta haya Aruba ta logra titula campeon cu e hungadonan Jeandry Mathilda, Donald Yarzagaray y Alan Croes, na di dos luga ta keda Corsou y na di tres luga Surnam. Den e categoria U-18 Aruba ta bolbe triunfa logrando e prome luga cu Zhao Xie, Jean Pierre Helmeyer y Andrew Croes, na di dos luga ta keda Surnam y na di tres luga Corsou. Den e categoria Open, e prome luga ta bay pa e team di Aruba cu Mario Lobo y Andy Gomes, na di dos luga ta keda Surnam 1 mientras na di tres luga ta keda Aruba 2 cu Michel Kelly y Wing Chow Leong.

Den e weganan individual nos ta haya cu Aruba ta logra tur e prome luganan. Den e categoria U 11, nos ta haya Aruba cu Bob Cheung, na di dos luga ta keda Robert Dirksen tambe di Aruba y na di tres luga Surnam. Den e categoria U-13 nos ta haya cu Aruba a logra tur e premionan cu e prome luga pa Jhonatan Parades, e di dos luga pa Ching Ho Chung y e di tres luga pa Joshua Paredes. Den e categoria U-15, e prome luga a bay pa Jeandry Mathilda di Aruba, sigui cu e di dos luga pa Surnam y e di tres luga a bay pa Donald Yarzagaray di Aruba. Den e categoria di U-18, un bes mas Aruba ta triunfa cu e prome luga cu a bay pa Zhao Xie, e di dos luga a bay pa Surnam y e di tres luga tambe a bay pa Surnam. Den e categoria Masters, tur e premionan a bay pa Aruba cu Alfred Leong na prome luga, Franklin Lopes na di dos luga y Wing Chow Leong na di tres luga. Por ultimo nos ta haya e categoria Open y aki e hungado di Aruba, Mario Lobo ta logra e prome luga, Andy Gomes di Aruba ta keda na di dos luga y Corsou na keda na di tres luga.

Lotto kier a felicita e seleccion di Aruba cu a bay cu e mayoria premionan durante di e Dutch Caribbean Championship 2015 den tennis di mesa na Aruba. Mas cu claro un pabien na e federacion di ATTA pa e tremendo hospitalidad brinda na nos bishitantenan di exterior

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.