ORANJESTAD, Aruba - 16 di november, 2015: Recientemente e federacion di esgrima Arubano, SABA a organisa un competencia di esgrima bou nomber di Dutch Caribbean Championship 2015. Mester bisa cu for di nos hermana isla di Corsou un delegacion kendenan a bini pa e competencia menciona. E competencia tabata tin un duracion di dos dia unda a wordo competi den e categorianan di degen y floret.
Read more: Scherm Amateur Bond Aruba a organisa Dutch Caribbean Championship 2015 den esgrima
ORANJESTAD, Aruba - 16 di november, 2015: E federacion di tennis di mesa, ATTA a organisa su torneo di ping pong pa tur su atletanan, esaki den conexion cu e ASU Olimpiada 2015. E weganan a wordo hunga den e diferente categorianan mientras cu cada hungado a duna su maximo esfuerso pa logra sali como e triunfado.
Read more: Resultadonan di ASU Olimpiada den tennis di mesa ta conoci
ORANJESTAD, Aruba - 11 di november, 2015: E campeonato di Febiar a yega su etapa final pa loke ta e APT Division A y Division B. Den e siman cu a pasa e ultimo weganan a wordo hunga pa asina mira ken lo bira e ganadonan den ambos division. Un total di 24 hungado a forma parti di e campeonato di cual 16 den B y 8 den A.
Read more: Lotto ta felicita Richard Wolff y Ransley Tromp, e ganadonan den Aruba Pool Tour 2015
ORANJESTAD, Aruba - 11 di november, 2015: Recientemente Aruba Triathlon Association a tene su Off Road Triathlon esaki na Arashi Beach. E Off Road Triatlon Nacional tabata uno cu e ser teni den e categorianan di mucha y adulto mientras por a bay den ekipo di relevo. Mester bisa cu e participacion tabata grandi unda un gran cantidad di tri-atleta den tur edad a bin participa na e evento aki. Tabata tin un recorido cortico unda mester a landa 350 m, core bais 7 km y core na pia 2.2. km. E distancia completo tabata landa 700 m, core bais 14 km y core na pia 4.4. km.
Read more: Off Road Triathlon exitoso y cu hopi participante
ORANJESTAD, Aruba - 11 di november, 2015: Den e weekend tras di lomba Aruba Basketball Bond a inicia cu su campeonato di basketball den e diferente categorian. E aña aki e lema di e federacion ta “We are Basketball”, un lema cu e federacion mundial di basketball FIBA tambe ta uza mundialmente pa haci promocion pa e deporte. E ceremonia di apertura a tuma luga den e compleho deportivo di Aruba Jrs na Playa.
Read more: Aruba Basketball Bond a inicia cu su campeonato di basketball
