Exitoso competencia di landamento sincronisa den figura tecnico
- Details
ORANJESTAD, Aruba - 30 november, 2015: Recientemente club di landamento sincronisa Baracuda Aruba a tene un competencia di e figura tecnico pa nan atletanan den e edad di 12 aña y menos, 13 pa 15 aña y 16-18 aña. Pa e atletanan di landamento sincronisa ta importante pa competi den e parti di figura tecnico ya cu aki lo midi e promedio di e atleta su prestacion den landamento sincronisa. Asina tambe e atletanan por wordo husga den forma corecto cu a lo largo lo duna su entrada den e seleccion nacional di landamento sincronisa.
Read more: Exitoso competencia di landamento sincronisa den figura tecnico
Presidente di Schermbond, Austin Thomas lo atende congreso na Guangzhou, China
- Details
ORANJESTAD, Aruba - 30 di november, 2015: E aña aki, e dianan 20 pa 22 di november, e congreso anual di esgrima organisa pa e federacion mundial di esgrima, F.I.E.(Federation Internacional D'Escrime) a tuma luga na e ciudad di Guangzhou, China. E presidente di e federacion di esgrima di Aruba, SABA, sr. Austin Thomas lo asisti na dicho congreso. Esaki lo bira e di 94 edicion di e congreso cu lo wordo organisa den cooperacion cu e federacion di esgrima di China. Durante di e congreso lo trata diferente topico importante riba e desaroyo di e deporte Olimpico, e biaha aki tambe lo tin un parti cultural cu lo ser atendi.
Read more: Presidente di Schermbond, Austin Thomas lo atende congreso na Guangzhou, China
Off Road Duathlon lo bira e ultimo actividad di Aruba Triathlon Association
- Details
ORANJESTAD, Aruba - 18 di november, 2015: Diadomingo awor 20 di november, Aruba Triathlon Association lo organisa nan ultimo actividad pa loke ta e calendario deportivo di aña 2015. Despues di un exitoso Off Road Triathlon unda e participacion tabata masal, e biaha aki lo clausura e temporada cu un Off Road Duathlon. E actividad di Off Road Duathlon lo inicia 7or di mainta na Arashi y lo por competi den e categorianan di mucha, junior y adulto, por participa Individual of den Team di Relevo. E distancia cu lo wordo recori ta como lo siguiente mucha te cu 14 aña lo core 2.2 km – bais 7.2 km – core 1.3 km, mientras den Junior/Adulto esaki lo ta core 4.4 km – bais 14.4 km – core 2.6 km.
Read more: Off Road Duathlon lo bira e ultimo actividad di Aruba Triathlon Association
Landamento sincronisa a otorga diploma na atletanan principiante
- Details
ORANJESTAD, Aruba 17 november, 2015: Recientemente e unico club di landamento sincronisa na Aruba esta The Barracudas Aruba a organisa un dia di test pa logra diploma pa e grupo di atleta cu apenas a inicia cu e deporte di landamento sincronisa, cu ta e principiante conoci tambe como e “beginners”. Club di landamento sincronisa, Barracudas, tin varios aña di existencia y tin alrededor di 40 atleta activo.
Read more: Landamento sincronisa a otorga diploma na atletanan principiante
E di 7th Taekwondo Open Championship torneo de Colores 2015 lo ta fin di November
- Details
ORANESTAD, Aruba – 16 di november, 2015: Ya pa di 7 aña consecutivo e scol den e deporte di arte marcial Tiger Taekwondo Academy ta organisa su torneo anual Taekwondo Open Championship Torneo de Colores. Un campeonato cu cada aña tin su acohida mirando cu e ta uno di nivel internacional y e aña aki lo conta cu participacion di atletanan for di entre otro Republica Dominicana, Venezuela y Aruba mes. E fecha lo ta 28 di november proximo mientras cu Centro di Bario y Deporte Dakota lo ta e cas di e torneo aki. Lo bay tin varios combate interesante pa mira mientras Aruba su atletanan ta cla pa bataya contra di esunnan di exterior.
Read more: E di 7th Taekwondo Open Championship torneo de Colores 2015 lo ta fin di November
