Oranjestad, Aruba - 4 di november, 2015. Den e weekend tras di lomba, 30 y 31 di october, un delegacion den e deporte di Karate a bishita nos hermana isla di Corsou unda nan a competi den e torneo internacional Curaçao Karate Open 2015 organisa pa Karate Do Curaçao. Durante dos dia largo, e evento a consisti di diferente seminario y competencianan di karate.

Cada aña, e Curaçao Karate Open ta uno bon bishita cu combatenan di bon nivel den e categorianan hubenil y adulto. E participacion for exterior ta grandi cu paisnan manera Venezuela, Colombia, Argentina, Brasil, St. Domingo, Trinidad, Panama, Aruba, Bonaire y Corsou. Riba diasabra a inicia cu e seminarionan practico unda Aruba a participa cu sensei nan Jose Vivas, Felix Tromp y Nelson Quijada. E atletanan cu a competi pa Aruba tabata Kevin Lugo, Kyran Tromp, Juvier Laclé, Micheleny Farro, Jada van Heyningen, Miguel Quintero, Jurraine Laclé, Jefferson Valdez, Magaly Farro, y D'quan Ruiz.

Un danki sigur na Lotto, e Loteria di Aruba pa medio di Comision di Subsidio cu a subsidia e e biahe di e atletanan di karate pa e torneo internacional Curaçao Karate Open 2015 organisa pa Karate Do Curaçao.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.