ORANJESTAD, Aruba - 16 di november, 2015: E federacion di tennis di mesa, ATTA a organisa su torneo di ping pong pa tur su atletanan, esaki den conexion cu e ASU Olimpiada 2015. E weganan a wordo hunga den e diferente categorianan mientras cu cada hungado a duna su maximo esfuerso pa logra sali como e triunfado.

Den e categoria di U-13 nos ta haya na prome luga Ching Ho Chung, na di dos luga a keda Bob Chung mientras na di tres luga a keda Justin Hughes, den e categoria di U-10 nos ta haya na prome luga Shawn Kock, na di dos luga a keda Jermaine Ras mientras na di tres luga a keda Kyle Hughes. Pa loke ta e categoria di U-18, e prome luga a bay pa Zhao Xie, e di dos luga a bay pa Jeandry Mathilda y na di tres luga a keda Donald Yarzagaray. Den e categoria Open klas no tabata tin mucho sorpresa unda cu Mario Lobo a bira campeon, Andy Gomes a keda na di dos luga y Rocky Ras a keda na di tres luga. Den B-klas nos ta haya e prome luga cu a bay pa James Letren, na di dos luga a keda Ching Ho Chung y na dii ttres luga a keda Wing Chow Leong.

Un danki sigur na Lotto, E Loteria di Aruba pa medio di Comision di Subsidio cu a subsidia e torneo di tennis di mesa organisa pa Aruba Table Tennis Association enconexion cu e ASU Olimpiada.

Cumprando weganan di Lotto, E Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.