ORANJESTAD, Aruba - 5 di januari, 2016: Un bes mas e deporte di bowling di Aruba a sa na saca cara di nos dushi isla den exterior. Recientemente un delegacion hubenil di bowling den e categorianan U-15 y U-20 a biaha pa San Juan, Puerto Rico unda nan a competi den e torneo Caribeño Paradise Kids Jose Luis Carde 2015. Mester cu e bolicheronan hubenil a sa na destaca den bon forma durante di e torneo unda nos hobennan a sa na conkista un segundo luga overall den U-15 y U-20.
ORANJESTAD, Aruba - 17 di december, 2015: Recientemente e federacion di tennis di mesa a clausura e aña deportivo 2015 cu e tradicional Copa Aruba. Mester bisa cu e weganan tur tabata riba super bon nivel, e hungadonan a haci nan maximo esfuerso pa brinda otro un tremendo bataya. Mas cu claro mester tin un ganado, pero esnan cu a cay venci lo sa di recupera bek y traha mas duro pa e aña siguiente. Notable ta cu e weganan en e categoria femenino ta bek, cual sigur ta engrandece e deporte cerca nos hende muhenan.
Read more: Aruba Table Tennis Association a clausura e aña 2015 cu Copa Aruba
ORANJESTAD, Aruba – 9 di december, 2015: Un deporte cu sigur a crece den 2015 pa loke ta e cantidad di atleta ta esun di karate. Un deporte cu ta den pleno desaroyo pero avansando rapidamente y cu nivel competitivo internacional. Ya pa algun aña e deporte di karate ta bin ta creciendo den forma rapido y cu varios scolnan nobo. Aruba Karate Bond ta trahando duro na bienestar di su atletanan y ta haci nan maximo esfuerso pa hiba nan atletanan algun competencia di fogeo den exterior.
Read more: Aruba Karate Bond a organisa nan ultimo competencia den 2015 riba Dia di Sinterklaas
ORANJESTAD, Aruba - 11 di december, 2015: E final di campeonato den e deporte di volleyball organisa pa Aruba Volleyball Association a yega su fin. Un campeonato cu participación di varios equipo den tres categoría y dedica na e dos gran hungadonan di volleyball y beach volleyball, Eargenell de Cuba y Mitchel Daniel.
Read more: Lotto ta felicita e ekiponan cu a triunfa den e campeonato di volleybal di AVA
ORANJESTAD, Aruba 9 di december, 2015: E aña aki lo tuma luga Bogota, Colombia e Concecabol Youth Centro Americano den e deporte di bowling esaki di november 28 pa 5 di december. Aruba tambe lo forma parti di e torneo aki y lo participa cu un total di 10 atleta hubenil. Nos representantenan lo bataya den e categoria di Sub 16 y Sub 21. Den e categoria Sub 16 den femenino nos ta haya e atletanan Shaydee Kock y Bianca Suarez, mientras den e categoria masculino Sub 16 nos tin Renald Thiel y Jair Kelly. Pa loke ta e Sub 21 den e categoria femenino nos tin Jeadine Luidens y Shakiana Querero, mientras den e categoria masculino lo tin Anthony Tjin Kon Fat, Yannick Roos, Elias Halabi y Osmar Bislik. Como coach lo biaha Rita Lopez Henriquez y Criss Dammers.
