Good Causes
Oranjestad, Aruba - 22 di augustus, 2015: Recientemente, e directiva di A.S.U., a anuncia cu nan lo inicia cu un otro curso curso di CPR/Prome auxilio pa miembronan di e federacionnan deportivo, coachnan y e demas boluntario y un grupo di atleta. Mirando e demanda grandi di parti di esunnan cu ta traha den e mundo deportivo local y e exito di e prome curso algun luna atras,unda varios persona cu ta traha den e mundo deportivo a ricibi nan certificado di prome auxilio, e directiva di ASU a tuma e iniciativa pa continua y bin cu un di dos curso.
Oranjestad, Aruba - 28 di juli, 2015: Durante vakantie di scol, un delegacion di tennis masculino lo biaha pa e pais di Santo Domingo unda nan lo participa na e JITIC 2015, un torneo basa riba prestacion. E torneo aki lo ta di 23 di juli pa 7 di augustus. Contrario na e aña nan anterior, e biaha aki ALTB a opta pa participa cu solamente un ekipo masculino.
Read more: Delegacion di tennis masculino lo participa na e JITIC 2015 na Republica Dominicana
Oranjestad, Aruba - 21 di juli, 2015: Un delegacion di Aruba den e deporte di ahedrez lo ta biahando pa nos hermana isla di Corsou unda nan lo competi den e torneo anual yama “Curacao Chess Challenge”. Ya pa varios aña tanto Aruba como Corsou sa organisa e Chess Challenge aki unda varios participante di exterior manera Boneiro, Surnam ta bini ambos isla y competi contra di otro.
Read more: Delegacion di Aruba lo competi den e torneo anual “Curacao Chess Challenge”
Oranjestad, Aruba - 23 di juli, 2015: Recientemente un delegacion Arubano den e deporte di judo a biaha pa Fort Lauderdale, Merca, unda nan a participa na e di 27 edicion di e US Open Junior 2015. Durante di e torneo aki nos atletanan di judo a enfrenta varios otro scolnan na Merca y tambe di otro paisnan cu a bin specialmente pa e campeonato menciona. Aruba a competi cu un grupo grandi di atleta, pero tambe esunnan cu a ricibi subsidio kendenan tabata Theron Farro, Brandon Wong, Jean Luc Harms, Yuri Koffie, Isaac Croes y Emmazira Kelly.
Read more: Delegacion di judo a logra gana varios medaya durante di e 27th US Open Junior 2015
Oranjestad, Aruba - 20 di juli, 2015: Den e temporada di vacacion escolar, hopi di nos federacionnan deportivo ta probecha di biaha cu nan atletanan pa e diferente competencianan di deporte den nos region. E dianan 16 pa 18 di juli, e federacion di atletismo a manda un delegacion pa e ciudad di Port a Spain, Trinidad and Tobago unda nan lo ta competi den e asina yama XVI Central American and Caribbean Age Group Championship.
Read more: Delegacion di atletismo lo participa na e CAC Age Group na Trinidad & Tobago
Oranjestad, Aruba - 23 di juli, 2015: Recientemente e atleta di coremento di distancia, Justice Dreischor a biaha pa Cali, Colombia unda e lo competi den e IAAF World Youth Championship Cali 2015. Hunto cu su coach Glennon Eights, e hoben Dreischor a sali pa Colombia pa asina competi contra e mihornan di mundo cu actualmente ta competi na e campeonato aki. E disciplina na cual Dreischor lo competi na dje ta e 1500m hunto cu otro 24 atleta rond mundo.
Read more: Atleta Justice Dreischor lo competi den e IAAF World Youth Championship Cali 2015
Oranjestad, Aruba - 16 di juli, 2015: Recientemente un delegacion den e deporte di ciclismo a biaha pa e isla di Anguila unda e di 16 edicion di e famoso careda di bicicleta John T Memorial Cycling Race a tuma luga. E atletanan cu a representa Aruba tabata Gabriel Thielman, Gino Hodge, Jair de Santiago y Jonathan Croes. Como miembro di e delegacion a biaha Monique Leerdam.
