ORANJESTAD, Aruba - 14 di september, 2015: Apesar di no a logra e clasificacion pa e di cuater buelta den e "Road to Russia", e seleccion nacional di futbol di Aruba a brinda un tremendo espectaculo den su wega contra di St. Vincent & Grenadines. Diamars ultimo e seleccion di Aruba a enfrenta e seleccion di St. Vincent & Grenadines unda Aruba mester a purba na kita e deficit den e wega di ida perdi 2 - 0.

E seleccion di Aruba, guia pa e entrenador Hulandes, Rini Coolen, a inicia e wega den bon forma anotando un gol den e prome minuutnan pa despues amplia esaki na 2 - 0 den e di dos mita. Casi na final St. Vincent ta corta bentaha cu un gol cu a lo largo a duna nan e paso pa e siguiente buelta "Road To Russia. E publico presente den Stadion Guillermo Prospero Trinidad na Dakota sigur a disfruta di un bon partido futbol. No obstante cu e seleccion nacional di futbol no a logra su pase pa e siguiente buelta, nos hungadonan a demostra corage y cu den futuro cercano sigur mester tene cuenta cu Aruba. Amantenan di deporte principalmente futbol por ta orguyoso di nos seleccion nacional di futbol.

Un danki sigur na Lotto, e loteria di Aruba cu a contribui cu e subsidio di nos seleccion nacional di futbol.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.