Oranjestad, Aruba - 30 di april, 2015: E federacion di boxeo, esta Arubox lo celebra Dia di Rey cu un evento di boxeo pa tur su clubnan miembro. E evento di boxeo lo ta diabierna 1 di mei cuminsando pa 8or di anochi. E acomodacion di Centro Deportivo Frans Figaroa na Noord lo ta e cas di boxeo e anochi aki.
Read more: Arubox lo organisa un anochi di boxeo den conexion cu Dia di Rey.
Oranjestad, Aruba - 30 di april, 2015: Diadomingo ultimo, e federacion di esgrima SABA a celebrando Dia di Rey cu un tremendo competencia pa tur su miembronan. E competencia a tuma luga den e sala di Maria Regina School na San Nicolas.
Read more: Lotto ta felicita e ganadornan den e competencia di esgrima Dia di Rey
Oranjestad, Aruba - 29 di april, 2015. Den e fin di siman tras di lomba, e seleccion hubenil di tennis di mesa a hunga den e campeonato di Caribe Hubenil na e pais di Santo Domingo. Aruba a wordo representa pa e atletanan Donald Yarzagaray, Jeandry Mathilda, Jonathan Paredes y Chinho Cheng den e categoria masculino U-15, hunto nan coach Rudy Raga. E seleccion hubenil masculino a enfrenta e fuerte competidonan den Caribe procedente di Puerto Rico, Trinidad and Tobago, Grenada, Corsow, Cuba, Haiti Guyana Frances, Guyana Ingles, Sint Lucia y Republica Dominicana.
Oranjestad, Aruba - 30 di april, 2015: Despues cu na comienso di luna di april, algun atleta den e deporte di bowling a atende un campo di entrenamento na e mundialmente conoci Kegel Training Center na Orlando, Florida, diahuebs ultimo un otro delegacion di bowling a bolbe sali pa Merca pa asina entrena na e famoso acomodacion di bowling aki. E atletanan Jason Odor, Bryan Helmeyer y Renald Thiel a biaha pa Orlando unda nan lo permanence pa un algun dia na Kegel Training Center y entrena bou guia di coach James Porter y otro coachnan experiencia di nivel internacional.
Oranjestad, Aruba - 23 di April, 2015: Siman pasa un seleccion hubenil den e deporte di taekwondo a biaha pa e ciudad di Guayama, Puerto Rico, unda nan a competi den e evento internacional di taekwondo yama Los Brujos del Taekwondo. Esaki den conexion cu e celebracion di e di 15 aniversario di dicho torneo. Mester bisa cu Aruba a wordo representa pa e atletanan Chiara y Sophia Petrocchi como tambe Angelo Rodirguez, mientras cu Theo Rodriguez a fungi como nan coach.
Read more: Lotto ta felicita e atletanan di taekwondo cu a logra varios medaya di Oro na Puerto Rico
