Oranjestad, Aruba - 22 di April, 2015: E Campeonato Sudamericano di landamento CONSANAT teni na e ciudad di Lima, Peru ta tras di lomba unda nos seleccion nacional di landamento tambe a participa. Mester bisa cu un bes mas Aruba su nomber a keda resona entre e paisnan grandi den Sur America. E 9 landadonan di Aruba a gana un total di 10 medaya cual ta e mas hopi conkista pa un seleccion nacional di landamento den e campeonato renombra aki.
Oranjestad, Aruba - 22 di april, 2015: Nos atletanan infantil den e deporte di triatlon a haci un tremendo papel den e competencia di Ennia Kids Triatlon tene recientemente na e isla di Corsou. E cuater atletanan prometedor aki a sa na triunfa cu tres medaya di oro y un di brons den e tres categorianan disponibel . E seleccion infantil bou guia di coachnan Eights y Hill a haci un tremendo papel den tur tres disciplina, tanto den landamento, core bicicleta y core na pia nos atletanan a domina esakinan cu facilidad.
Oranjestad, Aruba - 16 di april, 2015: Recientemente presidente di e federacion di boxeo Arubano, Arubox Sr. Marco Dupersoy a biaha pa e pais di Argentina unda e la atende e asamblea general di e Confederacion American di Boxeo, AMBC. E confederacion di boxeo ta un asociacion cu ta wordo controla y dirigi pa AIBA cu tin como obhetivo mehora, promove y propaganda e deporte di boxeo den tur forma den henter e continente America.
Read more: Presidente di ARUBOX a atende asamblea general di American Boxing Confederation (AMBC)
Oranjestad, Aruba - 17 di april, 2015: Recientemente e atleta elite di salto largo, Quincy Breell a sali pa un campo di entrenamento na Bradenton, Florida. Pa un periodo di tres siman largo, e atleta Breell lo atende un campo di entrenamento na IMG High Performance Academy, cual ta un academia renombra na Merca y dirigi pa e director y alabes un coach Olimpico Merican, Loren Seagrave.
Oranjestad, Aruba - 14 di april, 2015: Den e weekend cu a pasa, e tri-atleta elite Renze Postma lo a bolbe mira accion den exterior unda e lo competi den e circuito CAMTRI Triathlon America Cup na Salinas, Ecuador.
