Entrega di certificado na esnan cu e sigui e curso di Marketing y CPR cu exito
- Details
Oranjestad, Aruba - 5 di juni, 2015: Den e cuadro pa haya mas hende capacita riba e tereno di prome auxilio den deporte y un comunicacion mas eficiente entre e directiva y su miembronan como tambe cu prensa en general, Aruba Sport Unie a organisa dos curso pa e representantenan di federacionnan deportivo na Aruba.
Read more: Entrega di certificado na esnan cu e sigui e curso di Marketing y CPR cu exito
Aruba Table Tennis Association a tene su competencia di ranking den luna di mei
- Details
Oranjestad, Aruba - 3 di juni, 2015: E competencia di ranking organisa tur luna pa Aruba Table Tennis Association (ATTA) tin su acohida den tur categoria. E competencianan ta fuerte den e categorianan Hubenil, Senioren y Masters. Mester bisa cu tur wega ta importante mirando cu ta hunga a base di puntuacion cu a lo largo ta defini e ranking di tur luna. Aki cada hungado por mira riba cua posicion e ta y mas cu claro ta pa cada atleta importante pa sa si tin un progreso di nan propio wega hunga.
Read more: Aruba Table Tennis Association a tene su competencia di ranking den luna di mei
Federacion di Aruba Bodyboard lo organisa nan competencia na Anker, e dianan 6 y 7 di juni
- Details
Oranjestad, Aruba - 2 di juni, 2015: E dianan 6 y 7 di juni proximo, Aruba Bodyboard Association lo organisa un un tremendo competencia di bodyboard na Anker/Grapefield na San Nicolas. E competencia ta priminti di bira unico den e categorianan di Open, Women, Dropknee y Junior. Den e division di Surf nos ta haya e categorianan di: Open y Woman.
Arubox a tene un dia di workshop cu e experto internacional di boxeo, Ray Silvas
- Details
Oranjestad, Aruba – 2 di juni, 2015: Diasabra ultimo Arubox a tene henter un dia di seminario cu e experto internacional den boxeo, Ray Silvas, den e edificio di ATIA na Dakota. E seminario tabata specialmente destina pa e referee y huesnan di e boxeo amateur.
Read more: Arubox a tene un dia di workshop cu e experto internacional di boxeo, Ray Silvas
E deporte di hisamento di peso ta conta awor cu mas referee certifica
- Details
Oranjestad, Aruba - 1 di juni, 2015: Den deporte ta importante pa cada bes bo tin refereenan nobo y, mas cu tur cos, certifica cu ta yuda engrandece e nivel di e deporte. Paso con cu bay bini sin un referee ta dificil pa un deporte bay na un manera ordena sin aplica regla, esaki specificamente ta e trabou di un referee. Recientemente Aruba Amateur Weightlifting Association a organisa un curso di referee monitor level 1 pa tur interesado den e deporte di hisamento di peso.
Read more: E deporte di hisamento di peso ta conta awor cu mas referee certifica
