Oranjestad, Aruba - 30 di april, 2015: Diadomingo ultimo, e federacion di esgrima SABA a celebrando Dia di Rey cu un tremendo competencia pa tur su miembronan. E competencia a tuma luga den e sala di Maria Regina School na San Nicolas.

Mester bisa cu tur e combatenan tabata uno di bon nivel, unda e muchanan tur a luci y sigur haci nan maximo esfuerso pa logra cay den premiacion. E diferente finalnan sigur tabata emocionante caminda e ganado por a bini di ambos banda. E resultadonan di e competencia di esgrima riba Dia di Rey ta como lo siguiente.

Infantil mix: 1. Nikiana Thompson, 2. Teepe Aidan, 3. Joshua Noguera.
Junior mucha muhe: 1. Tirslain Jansen, 2. Sofia Dorcas, 3. Amy Clark.
Cadet mucha muhe: 1. Shellian Thompson, 2. Migdaliene Jansen, 3. Jeada Ball.
Junior mucha homber: 1. Kevin Hernandez, 2. Marc Croes, 3. Alex Wever.
Cadeta mucha homber: 1. Kendrick Cuevas, 2. Cristian Vrolijk, 3. Alex Croes.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di esgrima riba Dia di Rey.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.