Mester bisa cu e muchanan a luci durante di e campeonato aki unda riba e prome dia Aruba a pasa pa e semi-final unda nan a gana Haiti y Sint Vincent. Cu e resultado aki, Aruba a clasifica pa e campeonato Latin American Championship cu lo ta den luna di juni proximo na Puerto Rico. Den teams, Aruba ta logra un di tres luga y e medaya di brons. Contra e number 1 di tanto Puerto Rico y Republica Dominicana, nos muchanan a duna bon bataya y ta perde cu score hopi preta. Notabel ta cu e muchanan a hunga den e categoria mas grandi y aki e nivel tabata super halto, pero asina mes tur presente tabata sorprendi cu e bon nivel di e atletanan di Aruba.
Un danki sigur na Lotto, e Loteria di Aruba pa medio di Comision di Subsidio cu a subsidia e delegacion di tenis di mesa pa e campeonato di Caribe.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio
