Lotto ta felicita baluartenan Theo Bareno y Hugo Themen cu e 40 aña di existencia di TNT-Gym
- Details
Oranjestad, Aruba – maart 2015. Den luna di januari, e club di pesas TNT-Gym a recorda e hecho cu 40 aña pasa a funda e prome club di hisamento di peso na Aruba. Como e club di hisamento di peso mas bieu na Aruba, a celebra e ocasion special aki diadomingo 22 di maart. Na banda di a cumpli 40 aña di existencia, e honra dos miembro cu a lo largo a bira dos baluarte cu te dia di awe ainda ta activo den dicho club. Nos ta referi aki na Sr. Theo Bareño y Sr. Hugo Themen kendenan tin un trayectorio largo den e deporte di hisamento di peso.
Tri-atleta Renze Postma a logra resultado satisfactorio den e CAMTRI Triathlon America Cup y Bolivarian Cup
- Details
Oranjestad, Aruba - 19 maart 2015: Den e weekend tras di lomba, e tri-atleta elite, Renze Postma a bolbe mira accion den exterior unda e la competi na e circuito CAMTRI Triathlon America Cup y Bolivarian Cup e biaha aki na Lima , Peru. Den luna di februari, Renze Postma a competi na mesun competencia cu a tuma luga na Barranquilla, Colombia.
Delegacion hubenil di tennis a sali pa e Junior Tennis Compitition na Republica Dominicana
- Details
Oranjestad, Aruba - 19 maart 2015: Despues di e exitoso torneo di Davis Cup na El Salvador unda Aruba a sa na conkista e titulo maximo den tennis hubenil masculino, diahuebs ultimo, un otro delegacion di tennis a sali rumbo Republica Dominicana unda dos ekipo di Aruba lo competi den e World Junior Tennis Competition. Mester bisa cu e miho hungadonan di e region hubenil di Centro America y di Caribe ta participa na e torneo aki. Pa un siman largo tenistanan femenino y masculino te cu 14 aña di edad representando 16 pais lo hiba un bataya fuerte pa saca e miho nan di nos region. E canchanan di Parke de Este lo ta e cas di e World Junior Tennis Championship.
Aruba lo conoce su Atleta di Aña 2014 den Premio Excelencia den Deporte - Lotto contribuyendo na deporte di Aruba
- Details
Oranjestad, Aruba - 10 di maart, 2015: Despues di algun luna di preparacion intensivo, porfin e dia ta spera a yega pa tur e atletanan nomina pa Premio Excelencia den Deporte 2014. E aña aki un bes mas, Ministerio di Deporte encabesa pa Minister di Salubridad Publico y Deporte, Dr. Alex Schwengle y Lotto, e loteria di Aruba lo host e magno evento cu lo tuma luga diabierna 27 di maart den e mahestuoso ballroom di Marriot Aruba Resort & Stellaris Casino.
Cu ayudo di Lotto Docentenan di Movecion y Salud lo atende seminario 2015 Shape America National Convention & Expo
- Details
Oranjestad, Aruba - 11 di maart, 2015: Den e siman binidero, docentenan di Movecion y Salud di IPA, Maximo Wernet y Peter Simon lo atende e seminario 2015 Shape America National Convention & Expo. E meta di e seminario ta pa sigui e desaroyonan nobo y ideanan innovativo relaciona cu educacion, movecion, y salud.
- Preparacion di e seleccion U – 13 di LIFIDA a conta cu sosten di Lotto, E Loteria di Aruba.
- Velocity Cycling Team lo organisa e prome competencia di careda di ruta.
- Triatleta Renze Postma a bay competi na e 2015 Baranquilla CAMTRI Triathlon American Cup and C.A.C Championship.
- Campeonato di Aruba Little League a inicia cu hopi entusiasmo. Cu ayudo di Lotto, E Loteria di Aruba.
