Oranjestad, Aruba - 24 di februari, 2015: Den e fin di siman binidero, e atleta elite den e deporte di triatlon, Renze Postma hunto cu Head Coach di Aruba Triathlon, Sr. Nicolaas Robert a biaha Colombia unda e atleta Postma lo competi den e 2015 Baranquilla CAMTRI Triathlon American Cup y CAC Championship.

Aki e atleta Renze Postma lo busca su clasificacion pa e Weganan Pamamericano Toronto 2015. Mester bisa cu e competencia ta bay ta uno hopi fuerte, paisnan presente lo ta Mexico, USA, Brasil , Cuba ,Ecuador, Colombia ,Chile, Guatemala, Puerto Rico, Venezuela, Peru y Aruba. E trayectorio cu Renze tin cu cubri lo bira landa 1500m, core bicicleta 40 km y core na pia 10 km. Hunto cu Renze a biaha su coach Nicolaas Robert.

Un danki sigur na Lotto, E Loteria di Aruba cu pa medio di Comision di Subsidio a subsidia pa e tri-atleta Renze Postma por competi na e 2015 Baranquilla CAMTRI Triathlon American Cup and CAC Championship 2015