Durante di e competencia di hisamento di peso celebrando nos Himno y Bandera a duna un reconocimento special na e dos personanan aki cu henter nan bida a dedica na e deporte di pesas. Cuarenta aña pasa, sr. Theo Bareno a funda TNT-Gym cu nan prome localidad na St Anna School, despues a muda pa Noord Sport Centrum(awendia C.D Frans Figaroa) unda nan ta establece. Di otro banda sr. Hugo Themen for di aña 1978 a representa Aruba internacionalmente den e Weganan Centro Americano y del Caribe cu e seleccion di Antias y te dia di awe ainda ta activo den competencianan internacional den e categoria di masters. Pa su dedicacion na e deporte di pesas, Hugo Themen a ricibi e condecoracion como Ridder in de Order van Oranje Nassua esaki na aña 2003. Na 2005, International Weightlifting Federation ta honra Hugo Themen y Theo Bareño cu e prestigioso Golden Award.
Un palabra di pabien ta bini di parti di Lotto, e loteria di Aruba kende ta felicita Theo Bareno y Hugo Themen pa nan aporta di 40 aña duna na e deporte di hisamento di peso.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
