Notable ta cu den e ultimo shete añanan, Aruba a sa na caba entre e top 3 miho islanan den Caribe. Pa loke ta e CARIFTA 2015, Aruba a biaha cu solamente 12 atleta den e diferente categorianan. Asina mes nan a sa na regresa cas bek cu varios medaya. Es mas e relay team mucha muher 13 – 14 anja consisti di Anahi Schreuders, Keeley Maduro, Florence Kock y Elisabeth Timmer a logra 4 medaya di oro y kibra cuater record di Carifta. Tambe e hoben Mikel Schreuders a gana e High Point Trophy como e miho landado.
Aruba su representantenan tabata den e categoria 11-12 aña, Gwennandy Kock y Lucien Peterson, den e categoria di 13 - 14 tin Anahi Schreuders - Keeley Maduro - Florence Kock y Elisabeth Timmer. E representantenan masculino tabata Brandon Cheong y Daniel Jacobs. Por ultimo den e categoria di 15-17 aña femenino nos tin Rebecca Maduro y Andrea van den Berg, mientras den esun masculino nos tin Patrick Groters y Mikel Schreuders.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e seleccion di landamento pa e competencia di CARIFTA 2015.
