Oranjestad, Aruba - 3 di juni, 2015: E competencia di ranking organisa tur luna pa Aruba Table Tennis Association (ATTA) tin su acohida den tur categoria. E competencianan ta fuerte den e categorianan Hubenil, Senioren y Masters. Mester bisa cu tur wega ta importante mirando cu ta hunga a base di puntuacion cu a lo largo ta defini e ranking di tur luna. Aki cada hungado por mira riba cua posicion e ta y mas cu claro ta pa cada atleta importante pa sa si tin un progreso di nan propio wega hunga.

E ultimo añanan e deporte di tennis di mesa a bin ta crece den un bon forma unda principalmente hopi mucha a cuminsa practica e deporte aki. Pa loke ta e ranking di luna di mei nos tin e siguiente resultadonan. Den e nobato, prome luga a bay pa Tivon Quandt, di dos luga pa Kyalen Tsie, den U-10 e prome luga a bay pa Bob Chung y di dos luga pa Jermerin Ras. Den U-18, e prome luga a bay pa Zhao Xie, e di dos luga a bay pa Micheal Kelly y di tres luga pa Donald Yarzagaray, den e categoria U-14, e prome luga a bay pa Jeandry Mathilda, e di dos luga pa Jhonathan Paredes y na di tres luga a keda Chingho Chun. Den e categoria di B-klas, nos a haya na prome luga Chingho Chung, na di dos luga Lifrendy Lampe y na di tres luga a keda Alfred Leong.

Un danki sigur na Lotto, e Loteria di Aruba pa medio di Comision di Subsidio cu a subsidia e competencia di ranking di Aruba Table Tennis Association.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.