Oranjestad,Aruba - 1 di juni, 2015: Despues cu nos atletanan di landamento a cosecha exito den exterior tanto den e campeonato di CARIFTA como esun di CONSENAT, awo a yega e ora pa bataya den e competencia local di landamento porcierto esun di mas grandi di aña esta e Arubaanse Kampioenschappen.

E miho atletanan di landamento di e miho tres clubnan na Aruba, Stingray Swimming, Aruba Dolphins y The Orca’s lo topa otro cara cara e dianan 4 pa 7 di juni proximo. E cas di landamento na Aruba, e Piscina Olimpico Roly Bisslik na Savaneta lo host e cuater dianan di competencia. Tur aña nos atletanan di landamento ta briya den cualkier competencia cu nan participa na dje y pa e mesun motibo aki ta Lotto pa medio di Comision di Subsidio ta sigui sostene e federacionnan cu ta traha duro na bienestar di nan atletanan.

Un danki sigur na Lotto, e Loteria di Aruba pa medio di Comision di Subsidio cu a subsidia e Arubaanse Kampioenschappen den landamento.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.