Oranjestad, Aruba – 28 di mei, 2015: Diadomingo ultimo, e tri-atleta Arubano, Renze Postma a competi den e Curacao International Triathlon. Mester bisa cu Renze Postma a logra duna un tremendo presentacion den e evento internacional di triatlon na Corsou unda e la triunfa cu un di dos luga overall y prome den su categoria15-19 aña.
Durante di e careda, e atleta Postma a sali prome for di awa a mantene su liderazgo riba bicicleta mientras na pia faltando mas o menos 3 km y mei prome cu e final, e ta ser alcansa pa e Frances Gaetan Fetaud cu a gana e careda cu 2:03:57. Renze a landa 1500m den 18:42 core 40 km bike 1:05:19 y a core na pia 39:40 pa un total 2:05:26.
Otro atletanan cu a haci bon papel tabata, Janelle Vlaun cu a landa 28:30, core bike 1:17:07 y core na pia 47:24 pa un total di 2:36:26 bon pa 1 luga den su categoria y 2 luga overall damas. E atleta Incoe Martinus a competi pa prome biaha riba e distancia Olimpico unda e la sorprende tur hende cu un 3 lugar overall y 1 luga den e categoria 30-39 aña. Incoe a landa 25 min, core bike 1:07:52 y core na pia 10 km den 45:05 pa un total di 2:20:13. E atleta Lucien Dirksz a landa 26 min, core bike 1:08:46 y core na pia 53:07 pa un total di 2:31:06.
E atleta femenino, Sandra Postma a landa 28 min, core bike 1:22:11 i 10 km na pia 1:02:59 pa un total di 2:56:06. Un otro atleta cu a representa Aruba tabata Lars Stolk cu a landa 25 min bike 1:15:16 y core 10 km na pia 45:23 bon pa un total 2:27:41 di 9 lugar overall y 4 den su categoria. Mientras Sheryl Rodriguez tambe a participa logrando un tempo di 3:26:12. E atletanan di Aruba a logra 7 premio di cual 3 prome luga den nan categoria y un tercer luga, dos luga overall y un luga tres overall.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos tri-atletanan pa evento internacional di triatlon na Corsou.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
