Oranjestad, 20 di october, 2015: E dianan 26, 27, 28 y 29 di november proximo un delegacion den e deporte di landamento lo bishita e pais di Republica Dominicana. E competencia lo wordo organisa pa Club Delfines del Naco y lo ta e di 33 edicion di e competencia cu participacion di varios pais den Caribe. Mas cu claro nos landadonan di Aruba tambe lo forma parti di e competencia aki. E delegacion lo consisti di cinco atletanan Keeley Maduro, Brandon Cheong, Daniel Jacobs, Patrick Groters y Anahi Schreuders. E competencia mes lo tuma luga den e Compleho Acuatico del Centro Olimpico Pablo Duarte, unda e competencianan di e Weganan Panamericano 2003 a concentra.

Mester bisa acerca cu e competencia lo sirbi tambe como un cualificacion pa e Weganan Olimpico 2016 teni na Rio de Janeiro. Aki Aruba lo tin cuater atleta cu lo busca nan clasificacion esakinan ta Daniella van den Berg, Mikel Schreuders, Jordy Groters y Allyson Ponson. E deporte di landamento di Aruba sigur ta wordo considera como un di esunnan miho den e area di Caribe. Nos atletanan di landamento semper a destaca den e numeroso competencianan internacional den nos region y continente. Esaki ta danki na e trabou incansabel di e federacion di landamento AZB como tambe e staf di entrenadornan, mayornan y mas cu tur cos e propio atletanan.

Un danki sigur na Lotto, E Loteria di Aruba pa medio di Comision di Subsidio cu a subsidia e biahe di nos delegacion di landamento pa e XXXIII Torneo Internacional de Natacion Delfines del Naco na Republica Dominicana.

Cumprando weganan di Lotto, E Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.