ORANJESTAD, Aruba – 3 di november, 2015: Den cuadro di e modernisacion y upgrading di tur nan competencianan, e federacion di atletismo Arubano, AAF ta organisando varios curso pa tur interesadonan. E federacion ta trahando duro pa acopla mas boluntario pa yuda den nan actividadnan y pa e motibo aki ta organisando diferente curso cu instructornan profesional di exterior.

Den e weekend tras di lomba a organisa e curso di yama “Easy Ware”. E programa Easy Ware aki ta wordo uza den tur competencianan di atletismo, cross country y careda riba distancia largo. For di nos hermana isla di Corsou a bini un experto den e area menciona cu ta Maylan Phelipa. Mester bisa cu den pasado a organisa e curso aki esey tabata casi 7 aña pasa. Na final e federacion AAF y e deporte di atletismo a conoce 10 boluntario certifica. Den un proximo ocasion lo bini AAF lo bini cu un curso di starter cu un instructor certifica di Puerto Rico. Luna pasa e federacion a organisa un careda di 10km cual tabata un oficial y reconoci pa e federacion mundial di atletismo IAAF.

Un danki sigur na Lotto, e Loteria di Aruba pa medio di Comision di Subsidio cu a subsidia e curso di “Easy Ware” den atletismo.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.