fbpx

Good Causes

Durante e fin di siman di e gran celebracion di Himno y Bandera, Aruba Taekwondo Association tambe a organisa su campeonato riba 22 di maart, den gymzaal di Princes Christina School na San Nicolaas. Esaki tabata e prome campeonato pa aña 2013 y Lotto a keda hopi contento di por a mira asina hopi atleta activo den e deporte aki, demostrando disciplina, motivacion y talento. 

Deporte ta sigui haya atencion di Lotto y diasabra ultimo no tabata un excepcion, durante e torneo di billiard, Billiard APT Tour Stop 1 (9Ball). Lotto como fundacion cu ta sponsor e eventonan deportivo,  y tambe e atletanan, pa medio di Subsidie Commissie, a patrocina e evento aki, cu sigur tin su fiel hungadonan.

ORANJESTAD, Aruba – 15 di februari 2013: Lotto ta hopi contento di por sostene dos deportista mediante di comision di subsidio, cu lo bay hunga e fascinante wega di dam, na Trinidad & Tobago. Wega di dam ultimamente ta hayando masha acogida mes den nos comunidad y sigur ta un wega cu ta exigi hopi concentracion y strategia. Henry Knepa y Delbert Alexander lo ta e dos deportistanan cu ta representa Aruba individualmente, den e torneo di Pana Merica Draughts Championship. 

E deporte di ajedrez ta uno cu ta exigi hopi concentracion, strategia y training y e Federacion di Ajedrez tabatin e acostumbrado torneo di ahedrez en conexion di e gran celebracion di nos Himno y Bandera, cu ta carga e nomber di ‘Copa Himno y Bandera 2013’. Esaki a tuma luga riba diasabra, diadomingo y dialuna ultimo den e club di ajedrez mes den Nieuwstraat 11, situa na final di Caya Principal.

ORANJESTAD, Aruba – 5 di februari 2013: Riba dia di Betico, Aruba Amateur Weightlifting Association a tene nan prome torneo di hisamento di peso, Copa Betico Croes, na Compleho Deportivo Frans Figaroa. Un cantidad grandi di fanatico a bin presencia e batayanan y a disfruta di varios bon pelea.

 

Loke tabata remarcabel ta, cu durante e prome torneo aki, mayoria di e hisadonan di peso tabata hubenil y mayoria di nan a duna un tremendo presentacion.

ORANJESTAD, Aruba – 15 di maart 2013: Cu e vision pa engrandece nos deporte na Aruba, specialmente pa nos hobennan, Lotto, e loteria di Aruba, mediante di comision di subsidio a contribui na e Feria Himno y Bandera 2013 di e organisacion Caballista Arubano, unda cu tabatin un total di 23 participante ta competiendo den e deporte aki. 
 
Durante e fin di siman tras di lomba, e organisacion Cabllista Arubano a organisa nan Feria Himno y Bandera y e acogida tabata hopi bon mes. Varios di nos hobennan a demostra nan talento y dominio como jinete y amazona den diferente categoria. Aki ta sigui e resultado pa categoria. 

E deporte di Amateur Boxing ta biniendo fuerte bek den comunidad y diasabra a keda demostra cu tin hopi interes pa e sigui engrandece y haya un acogida grandi cerca e hobennan, como tambe e fanaticonan. Diasabra ultimo Lotto di Aruba mediante comision di subsidio a patrocina e prome evento di 2013 di Amateur Boxing na Centro Deportivo Betico Croes, na Santa Cruz, unda cu varios fanatico a bin apoya y disfruta di un anochi di boxeo amateur yena cu reto, accion y corahe. Ya for di 7:30 di anochi e portanan a habri y pa exactamente 8or e prome pelea a tuma luga.

Our website is protected by DMC Firewall!