fbpx

Deporte na Aruba ta sigui crece y extende nan lazonan di amistad y competencia riba nivel internacional y Lotto, e loteria di Aruba ta sumamente orguyoso di tambe por forma parti di e gran desaroyo aki den e deporte di Ping Pong. Despues di un training hopi intenso y largo, Aruba tin un seleccion di Ping Pong cu ta biahando diadomingo dia 18 di november pa Valencia, pa participa na e Campeonato Latino Americano 2012.

 

E campeonato aki ta conta cu presencia di tur e paisnan cu ta pertenece na Latino America y ta trata di un campeonato di nivel halto. Ta trata di 4 atleta bou di 13 aña hunto cu un delegado y un coach. Lotto, e loteria di Aruba, ta un di e patrocinadonan principal di e delegacion aki y a sponsor nan e ticket, estadia y seguro.

 

Alabes Lotto kier invita un y tur na un 'day camp' di Ping Pong, cu lo tuma luga riba e dianan 7 y 8 di december proximo na Centro Deportivo Simeon Antonio. Esaki ta un evento specialmente pa nos hobennan di 7 te 18 aña, unda nan lo participa pa demostra nan talento y potencial den e deporte di Ping Pong. Y dia 9 di december lo tin e Copa Aruba Individual, unda sigur lo tin 85 atleta di 7 te 18 aña participando pa e titulonan maximo. E motibo principal tras di e actividad tremendo aki ta pa e federacion recauda e fondonan necesario pa nan atletanan por yega na nan uniform.

 

Lotto, e loteria di Aruba ta encurasha tur hoben y mucha pa bin purba e deporte aki y pa tambe forma parti di e deporte bunita di Ping Pong, pa den futuro nan tambe por representa Aruba den e weganan den exterior. Di e forma aki, Lotto pa medio di Comision di Subsidio, ta sigui contribui y engrandece deporte na Aruba, brindando nos atletanan oportunidad pa presenta den exterior y hiba nomber di nos pais dilanti.

 

Lotto, e loteria di Aruba cu 8 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou y awor tambe Tic-Tac-Toe un wega debertido pa hunga, ta corda un y tur pa sigui purba nan suerte cu cualkier di 8 weganan aki na cualkier rebendedo di nan preferencia, ya cu kisas abo por ta e siguiente ganado feliz. Alabes cumprando Lotto bo ta contribui tambe na deporte riba nos isla.

 

Lotto di Aruba ta existi desde aña 1982 caba y apenas algun luna atras ora cu a presenta nan imagen nobo, Lotto a haci entrega di un donacion adicional di 1 miyon dollar na e Comision di Subsidio di deporte, kende na su turno ta percura pa e fondonan ey yega na e organisacionnan di deporte. Meta di e fundacion ta pa organisa loteria, cambia bida di su ganadonan y na mes momento, inverti den deporte local.

DMC Firewall is a Joomla Security extension!