Good Causes
Deporte na Aruba ta sigui crece y extende nan lazonan di amistad y competencia riba nivel internacional y Lotto, e loteria di Aruba ta sumamente orguyoso di tambe por forma parti di e gran desaroyo aki den e deporte di Ping Pong. Despues di un training hopi intenso y largo, Aruba tin un seleccion di Ping Pong cu ta biahando diadomingo dia 18 di november pa Valencia, pa participa na e Campeonato Latino Americano 2012.
E campeonato aki ta conta cu presencia di tur e paisnan cu ta pertenece na Latino America y ta trata di un campeonato di nivel halto. Ta trata di 4 atleta bou di 13 aña hunto cu un delegado y un coach. Lotto, e loteria di Aruba, ta un di e patrocinadonan principal di e delegacion aki y a sponsor nan e ticket, estadia y seguro.
Read more: Lotto ta hiba ekipo di ping pong pa torneo internacional
Lotto, e lotteria di Aruba, ta hopi contento di mira cu tin interes grandi den e wega di cricket. Cricket ta un wega masha interesante y peculiar y sigur tin su fanaticonan cu ta practic’e tambe na Aruba. Recientemente tabatin un ‘Friendly Tournament’ cu tabata consisti di 3 team di Aruba y 4 team di Hulanda, cu 15 hungado. E wega amistoso aki ta pa estrecha e lazonan den e mundo deportivo di cricket, entre Aruba y Hulanda, ya cu na Hulanda e wega aki ta masha popular y gusta pa hopi. E wega mester a tuma luga na Joe Laveist San Nicolaas, pero pa motibo di tempo, a cambia di luga y a hunga na e veld di Centro di Bario Brazil. Cada hungado a hunga contra otro y e wega a bay den un dushi ambiente familiar. E final di ‘Friendly Tournament’ aki tabata entre e mihonan di Aruba contra e team di Hulanda.
E Duathlon di Barquisimeto, Venezuela ta considerablemente grandi y popular y ta conta cu participacion di atletanan di entre otro Merca, Brazil, Chile, Argentina, Colombia y naturalmente Venezuela mes. Danki na e cooperacion di Lotto, Aruba tambe lo tin un atleta competiendo na e Duathlon aki riba diasabra y diadomingo.
Read more: Lotto ta apoya Gino Hodge den representacion di Aruba na Duathlon Venezolano
E mundo di deporte na Aruba ta sigui cruza frontera pa midi nan potencial y habilidad deportivo y Lotto, e loteria di Aruba pa medio di Comision di Subsidio ta continua su compromiso di aporta na deporte di Aruba. E biaha aki tin un total di 11 atleta masculino a biaha pa Cayman Islands, pa e World Championship Qualification. Ta un exigencia pa cada team di volleybal cu bay hunga internacional mester tin nan propio referee presente, cu ta licencia pa fluit weganan internacional.
Read more: Lotto ta desea e team di volleybal tur clase di exito na cayman islands
Entrenadonan di nos hoben deportistanan di MTB/BMX ta siguiendo un curso di 10 dia pa fortifica nan habilidad nan den e area di "coaching". Sr. Chris Kilmurray, originalmente di Irlanda, pero biba na Francia, ta dunando e curso, cual ta wordo auspicia pa e federacion internacional di ciclismo, Union Ciclista Internacional (UCI).
Read more: Lotto ta brinda apoyo na desaroyo di dirigentenan di MTB/BMX
E ekipo di futbol di Aruba a sali rumbo pa Barbados pa e torneo yama “CFU CARIBBEAN CUP” cu ta tuma luga for di dia 23 te cu 27 di september. Aruba ta miembro di CFU, pues mester competi den e torneonan di CFU y esun cu logra e titulo campeon den e torneo aki, lo drenta CONCACAF, cu ta un paso mas cerca pa yega mundial.
Diasabra ultimo Aruba Amateur Boxing Association, bao liderazgo di Marco Dupersoy, a organisa un tremendo “Gym Rumble” cu participacion di “ATF Militia”, “Barack Fighting Gym”, “Elisa Boxing Gym”, “Jefferson Boxing Gym” y “Leo's Boxing Gym”.
