E mundo di deporte na Aruba ta sigui cruza frontera pa midi nan potencial y habilidad deportivo y Lotto, e loteria di Aruba pa medio di Comision di Subsidio ta continua su compromiso di aporta na deporte di Aruba. E biaha aki tin un total di 11 atleta masculino a biaha pa Cayman Islands, pa e World Championship Qualification. Ta un exigencia pa cada team di volleybal cu bay hunga internacional mester tin nan propio referee presente, cu ta licencia pa fluit weganan internacional. 

Un total di 15 hende a subi avion diabierna 9:00 di mainta y esaki ta encera e 11 atletanan, 1 team manager, 2 coach y 1 referee local cu ta licencia pa fluit wega internacional. Anteriormente mester a paga otro pais, manera Venezuela pa un referee licencia, pero awo Aruba por ta hopi orguyoso di e logro di e referee aki. Ya caba [insert name, referee] a fluit na diferente wega internacional, entre otro na Surinam. E team di Aruba lo ta den e pool cu Surinam, Barbados y Cayman Islands. Lotto a sponsor e ticketnan y seguro di biahe di e 15 personanan aki, como tambe parti di nan keuring medico. Lotto, e lotteria di Aruba, ta desea e team di volleybal tur clase di exito na Cayman Islands y ta sigur cu nan lo duna un tremendo prestacion deportivo.