Durante e fin di siman di e gran celebracion di Himno y Bandera, Aruba Taekwondo Association tambe a organisa su campeonato riba 22 di maart, den gymzaal di Princes Christina School na San Nicolaas. Esaki tabata e prome campeonato pa aña 2013 y Lotto a keda hopi contento di por a mira asina hopi atleta activo den e deporte aki, demostrando disciplina, motivacion y talento. 

 

Un total di 9 scol miembro a participa; Caribbean Taekwondo Institute, San Nicolas Taekwondo Center, Estrella Taekwondo Center, BB Taekwondo Center, Noord Taekwondo Center, Brazil Taekwondo Dojang, Crotalus Taekwondo Center, Washington Taekwondo Center  y Tiger Taekwondo Academy.

 

Un total di 31 pool tabatin y cada pool a conoce su respectivo ganadonan cu e medayanan di oro, plata y brons. Señor Danilo Croes, miembr di directiva di ARTBO y dra. Viviana Bustos, miembro di e Comision Medico di ARTBO, a percura pa haci entrega di e medayanan. Tambe tabatin trofeo pa algun categoria:  

Categoria Infantil: BEST FEMALE FIGHTHER: Denise Rafael di Noord TKD Center y BEST MALE FIGHTER: Jonathan Baez  di Noord TKD Center.

Den Categoria Hubenil: BEST FEMALE FIGHTER: Jada Mejia di Carribean TKD Institute y BEST MALE FIGHTER: Angelo Rodriquez di Tiger TKD Academy. 

 

Na final di e competenci a saca e ekiponan ganado tambe y e resultado tabata: 

Na Prome luga: Caribbean TKD Institute cu 31 punto, na di Dos Luga tabatin un empate entre: San Nicolas TKD Center y Brazil TKD Center, ambos cu punto y na di Tres Luga tambe tabatin un empate entre: BB TKD Center y Tiger TKD Center, ambos cu 25 punto.

 

No por keda sin menciona y gradici sr. Octavio Woodley, kenda ta e beheerder di e gymzaal di Princess Christina School. Hopi danki pa tur su tremendo cooperacion y comprension, como tambe na Antonio Geerman, pa su colaboracion cu e sistema electronico. Lotto, e loteria di Aruba hunto cu directiva di Aruba Taekwondo Association, ta gradici tur scol miembro pa nan participacion y pa nan keda pendiente pa e proximo campeonato.

 

Lotto, e loteria di Aruba tin 7 diferente wega; Catochi, Big 4, Zodiac, Lotto di Dia, Lotto 5, Mini Mega y Wega di Number Korsou. Cumprando Lotto bo ta contribui na deporte riba nos isla. Meta di e fundacion ta pa organisa loteria, cambia bida di su ganadonan y na mes momento inverti den deporte local pa medio di donacionnan na e comision di subsidio.

 

{gallery}joomgallery/originals/tae_kwondo_2013_22{/gallery}