Oranjestad, Aruba - 20 di juli, 2015: Den e temporada di vacacion escolar, hopi di nos federacionnan deportivo ta probecha di biaha cu nan atletanan pa e diferente competencianan di deporte den nos region. E dianan 16 pa 18 di juli, e federacion di atletismo a manda un delegacion pa e ciudad di Port a Spain, Trinidad and Tobago unda nan lo ta competi den e asina yama XVI Central American and Caribbean Age Group Championship.

E ekipo cu a representa Aruba ta e team nacional 2015 den e categoria 13/14 aña di edad. E atletanan cu lo a competi na Trinidad and Tobago ta Stanley van Gaalen, Ludjzein Maduro, Denise Brouwer, Stan Bossong, Zion Misuraca. Como coach lo biaha Virginia Dirksz y Kenneth Lucas.

Un danki sigur na Lotto, e Loteria di Aruba pa medio di Comision di Subsidio cu a subsidia e delegacion di atletismo pa e XVI Central American and Caribbean Age Group Championship na Port a Spain, Trinidad and Tobago.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.