Oranjestad, Aruba - 21 di juli, 2015: Un delegacion di Aruba den e deporte di ahedrez lo ta biahando pa nos hermana isla di Corsou unda nan lo competi den e torneo anual yama “Curacao Chess Challenge”. Ya pa varios aña tanto Aruba como Corsou sa organisa e Chess Challenge aki unda varios participante di exterior manera Boneiro, Surnam ta bini ambos isla y competi contra di otro.
E federacion di Aruba di Ahedrez a wordo invita pa cu e torneo cu lo dura for di 17 di juli pa 26 di juli. E acomodacion pa cu e diferente weganan lo ta Centro di Bario Janwe cu lo ta e cas di e “Curacao Chess Challenge”. Un bes mas Aruba lo ta fuertemente representa na Corsou mirando cu lo hiba algun bon hungado di ahedrez den tur categoria. E delegacion di Aruba lo consisti di Maurits Dijkhoff (Lider di Delegacion), e hungadonan lo ta Jose Pesqueira(Open Group), Quintin v/d Seijp (Open Group), Monica Bremo (Youth Group / U-18),Sebastian Torres (Youth Group / U-18) y Thamara Sagastegui (Youth Group /U-10).
E deportistanan di ahedrez semper a sobresali den cualkier torneo bishita den exterior. Durante añanan nos atletanan di ahedrez a sa di desaroya den tremendo forma unda e nivel a crece considerablemente. Esaki ta haci tambe cu e deporte a crece y bira mas grandi unda mas y mas hoben a cuminsa practica e deporte cu tur seriedad. Claro cu no por keda sin menciona e federacion di ahedrez kende ta traha duro na bienestar di e deporte y su atletanan.
Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos delegacion di ahedrez pa e Curacao Chess Challenge.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
