Oranjestad, Aruba - 23 di juli, 2015: Recientemente e atleta di coremento di distancia, Justice Dreischor a biaha pa Cali, Colombia unda e lo competi den e IAAF World Youth Championship Cali 2015. Hunto cu su coach Glennon Eights, e hoben Dreischor a sali pa Colombia pa asina competi contra e mihornan di mundo cu actualmente ta competi na e campeonato aki. E disciplina na cual Dreischor lo competi na dje ta e 1500m hunto cu otro 24 atleta rond mundo.
E hoben Dreischor ta un prospecto grandi den e deporte, na banda cu e ta haci atletismo y ta un tremendo tri-atleta tambe. Den ambos deporte el a triunfa varios biaha den exterior pa Aruba esaki den e competencianan grandi y di nivel halto.
Un danki sigur na Lotto, e Loteria di Aruba pa medio di Comision di Subsidio cu a subsidia pa e atleta Justice Dreischor por competi na e IAAF World Youth Championship Cali 2015.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.
