fbpx

JUL2016 Softball FemeninoORANJESTAD, Aruba - 20 di juli 2016: Durante di vacacion escolar diferente seleccionnan di baseball y/of softbol di Little League ta sali pa exterior unda nan lo representa Aruba den un torneo internacional cu mas pais den nos region participando. Diadomingo ultimo, e seleccion femenino di Little League Softbol a sali pa e ciudad di Rincon, Puerto Rico unda nan lo participa den e torneo Latino Americano. Nos seleccion di softbol femenino lo bataya contra e miho paisnan pa e titulo maximo.

JUL2016 Atletiek1ORANJESTAD, Aruba - 20 di juli, 2016: E weekend pasa nos hermana isla di Corsou tawata anfitrion di un competencia internacional masha conoci y exitoso den e deporte di atletismo. E di 24 edicion di e Trupial Auto City Classic ta un hecho unda nos delegacion di Aruba tambe a forma parti di esaki. E evento tawata un combinacion di competencia y alabes un campo di entrenamento. E atletanan cu a wordo selecta pa e federacion di atletismo Arubano ta participa na e campo di entrenamento lo ta Justice Dreischor, Lixandra Geerman, Zyon Geerman, Daymiron Cornes y Dhyronne Reed.

Bowling 1ORANJESTAD, Aruba – 15 di juli, 2016: Den e dianan benidero, Aruba lo ta pais anfitrion di un evento deportivo grandi cu 14 pais invita. E torneo Sur Americano Hubenil 2016 den e deporte di bowling ta priminti di bira uno di nivel halto unda e miho atletanan hubenil di bowling di henter e continente Sur Americano lo participa.

JUL2016 SynchroORANJESTAD, Aruba – 20 di juli, 2016: Recientemente un delegacion den e deporte di landamento sincronisa di Arubaanse Zwembond a sali pa e pais di Panama unda den e dianan benidero nan lo competi den e campeonato organisa pa Confederacion Centroamericana y del Caribe de Natacion, CCCAN. E competencia lo tuma luga den e ciudad capital esta Panama City e dianan 7 pa 10 di juli y lo conta cu e miho atletanan den e region Centro Americano y Caribe. Te cu awor aki e paisnan cu lo competi den e CCCAN ta Panama, Costa Rica, Curacao, El Salvador, Venezuela Guatemala, y Aruba.

JUL2016 Evan NeddORANJESTAD, Aruba – 15 di juli, 2016: Recientemente e multi-atleta den e deporte di boxeo como tambe MMA, Evan Nedd a biaha pa Venezuela unda e la busca su clasificacion den boxeo pa e Weganan Olimpico di Rio de Janeiro. Algun dia pasa e federacion di boxeo, Arubox a ricibi e grato noticia di AIBA cu e boxdo Evan Nedd a wordo acepta pa bringa e clasificacion Olimpico.

  1. Lotto ta felicita e seleccion di landamento cu a logra un total di 38 medaya: 13 di Oro, 18 Plata y 7 Brons den e campeonato CISC 2016 na Bahamas
  2. Campeonato di softbol Little League femenino a inicia
  3. Lotto ta felicita e delegacion di ahedrez cu nan logro historico durante di e CARIFTA Chess Championship 2016 na St. Croix
  4. Lotto cu palabra di felicitacion na tur e ganadonan den e prestigioso Premio Excelencia den Deporte 2015
DMC Firewall is developed by Dean Marshall Consultancy Ltd