Delegacion di pesas lo competi den e XXX Torneo Criollo Internacional de Levantamiento de Pesas na Caguas, Puerto Rico
- Details
ORANJESTAD, Aruba - 24 di september, 2015: For di Federacion de Levantamiento de Pesas di Puerto Rico, Aruba Amateur Weightlifting Association a ricibi un invitacion pa participa na e di XXX Torneo Criollo Internacional de Levantamiento de Pesas cu ta tuma luga den e ciudad di Caguas, Puerto Rico for di 29 september pa 4 oktober proximo. Mas cu claro Aruba lo competi cu nan miho atletanan na dicho torneo. Nos isla lo ta bon representa mirando cu nos lo competi den e mayoria categorianan disponibel.
Lotto ta felicita Ryan Rampersaud y FEBIAR pa e titulo maximo den 9 Ball Open Cup na Corsou
- Details
ORANJESTAD, Aruba – 24 di september, 2015: Ya pa varios aña, Lotto, e loteria di Aruba via Comision di Subsidio ta subsidia e federacion di biyar esta FEBIAR cu nan campeonato y torneonan internacional bishita den exterior. Na numeroso ocasion e atletanan di biyar ta luci y saca cara di Aruba den torneonan internacional den nos region y continente.
Federacion di landamento, AZB lo organisa su Sprint Night 2015
- Details
ORANJESTAD, Aruba - 18 di september, 2015: Diasabra awo 19 di september, e federacion di landamento, AZB lo organisa su prome competencia di e temporada 2015 – 2016 na Piscina Olimpico Roly Bisslik na Savaneta. E competencia ta carga e nomber di Sprint Night unda lo wordo landa riba distancia cortico(“short course”), esta 25meter. Tur atleta participante lo tin e oportunidad di landa y bataya riba distancia cortico di 25 y 50 meter. E miho atletanan di landamento di e miho tres clubnan na Aruba, Stingray Swimming, Aruba Dolphins y The Orca’s sigur lo bay tey. E competencia ta programa pa cuminsa 7or.
Read more: Federacion di landamento, AZB lo organisa su Sprint Night 2015
Delegacion di bodyboard lo participa den dos A.P.B. World Tour na Portugal
- Details
ORANJESTAD, Aruba - 17 di september, 2015: Pa mas di dos siman y mei, un delegacion di Aruba den e deporte di bodyboard lo permanece na e pais di Portugal unda nan lo competi den e dos diferente competencia organisa pa e asociacion mundial di bodyboard profesional, A.P.B. E atletanan di Aruba lo competi den e APB World Tour esta Sintra Pro 2015 y Nazare Pro 2015 ambos organisa pa e Association of Professional Bodyboarders.
Read more: Delegacion di bodyboard lo participa den dos A.P.B. World Tour na Portugal
Aruba Triathlon lo atende e 28 ITU Congress na Chicago, Merca
- Details
ORANJESTAD, Aruba - 16 di September, 2015: Ta importante pa congresonan den nos continente ser atendi pa e representantenan maximo di nos federacionnan deportivo, esaki pa un continuacion positivo cu lo yuda na engrandece e desaroyo di e deporte den su totalidad. Den e dianan venidero, e secretaria general di Aruba Triathlon Association, sra. Glenda Croes-Tromp, lo ta saliendo pa e ciudad di Chicago, Illinois, unda e campeonato mundial di triatlon ta tumando luga.
Read more: Aruba Triathlon lo atende e 28 ITU Congress na Chicago, Merca
- Aruba Triathlon Association a organisa un competencia di Duathlon
- Atletanan di BMX lo atende un campo di entrenamento y competi den e 2015 UCI BMX Supercross World Cup Finals na Rock Hill, South Carolina
- Lotto, e loteria di Aruba ta felicita e seleccion nacional di futbol pa nan tremendo partido brinda contra di St Vincent & Grenadines
- ASU a haci entrega di e certificado di participacion di nan cursonan di prome auxilio y mercadeo
