Fundacion Movemiento ta Bida ta organisando un bes mas e tradicional “Jani Brokke Memorial”
- Details
ORANJESTAD, Aruba - 20 di september, 2016: Fundacion Movemiento ta Bida, un organisacion non-profit ta traha duro pa conscientisa nos hendenan pa biba un bida unda e palabra movecion ta central, esaki specialmente bou di nos adulto y grandi nan. E aña aki pa seis biaha Fundacion Movemiento ta Bida ta organisa actividadnan di movecion pa nos 60 plussers den e asina yama Jani Brokke Memorial, dedica na e legendario deportista Arubano, Jani Brokke awe den feliz memoria. Un persona cu a representa Aruba varios biaha den exterior como atleta den diferente deporte y te na un edad relativamente grandi ainda a sigui practica deporte entre otro, tennis.
Lotto ta felicita Aruba Bodybuilding & Powerlifting Association cu nan competencia di Mr. Aruba National Body Building and Fitness Championship 2016
- Details
ORANJESTAD, Aruba- 20 di september, 2016: Recientemente e federacion di bodybuilding Arubano esta A.B.P.A a tene nan anual evento Mr. Aruba National Body Building and Fitness Championship esaki den e mahestuoso Grand Ballroom di Aruba Marriot Resort and Stellaris Casino. Mester bisa cu den un sala prakticamente yen a Aruba conoce su miho atletanan di bodybuilding y fitness 2016. Nos por a mira cu e evento tabata uno di nivel halto unda cada competidor a prepara su mes debidamente pa e anochi aki y a presenta nan mes den forma unico y profesional. Mester bisa cu cada bes e competencia ta exigi mas di cada participante pa locual ta nan preparacion y sigur prestacion riba entre otro e escenario.
AZB lo organisa Fina Coaches Clinic pa “beginner coaches” cu un Fina Coach certifica pa Aruba y Caribe
- Details
ORANJESTAD, Aruba - 14 di september, 2016: Mas cu 50 instructor y coaches na Aruba a inscirbi pa e Fina Coaches Clinic pa “beginner coaches” organisa pa Arubaanse Zwembond e dianan 16 pa 20 di september proximo. Inicialmente AZB a spera un acohida mas abou pero mirando e cantidad di inscripcion esaki a kibra tur expectativa. Mester bisa cu Schoolzwemmen Aruba a inscribi tur nan instructornan mescos e clubnan di competencia cu ta manda nan coachnan mientras esnan di diploma zwemclubs (Elementair Zwemmen) tambe ta manda nan instructornan.
Seleccion femenino di bowling bon prepara pa e 2016 Panamericano Mayores na Cali, Colombia
- Details
ORANJESTAD, Aruba - 12 di september, 2016: E dianan 17 te cu 24 september, e asociacion di bowling Panamericano, PABCON lo tene nan competencia den bowling femenino, e di 17 edicion di e Panamericano Mayores de Boliche na Cali, Colombia. Mester bisa cu Aruba lo competi cu un delegacion femenino bon prepara cu amplio experiencia internacional. E atletanan femenino di bowling lo representa Aruba ta Kamilah Dammers, Thasaina Seraus, Jeadine Luidens, Abigail Dammer, Micheline Jeandor y Giaira Arends, mientras como coach lo biaha Rita Lopez-Henriquez.
Cu subsidia di Lotto Bodyboarder Joshua Kelly lo representa Aruba den e campeonato internacional Viana-Pro APB Tour na Viana Do Castelo, Portugal
- Details
ORANJESTAD, Aruba - 12 di september, 2016. Despues cu aña a pasa nos atletanan elite di bodyboard a competi den e dos diferente competencia organisa pa e asociacion mundial di bodyboard profesional, A.P.B. na e pais di Portugal, e aña aki un biaha mas, Aruba Bodyboard Association a opta pa manda un atleta di Aruba pa dicho pais, pero e biaha aki pa e Viana Pro e dianan 21 – 25 di september na Viana Do Castelo. Aruba Bodyboard Association a evalua e sistema di ranking despues di 4 competencia den henter e aña y asina yega na e conclusion pa eligi e hoben Joshua Kelly pa representa Aruba den competencia mundial, cu lo conta cu e mihonan di mundo den bodyboard masculino.
- Arubaanse Zwembond lo organisa e tradicional Sprint Night Short Course edicion 2016
- Lotto a duna su aporte na e competencia di Mr. Aruba National Body Building and Fitness Championship como tambe e seminarionan riba Judging, Nutrition & Training
- Gregory Milliard cu otro compromiso internacional den Mixed Martial Arts na Detroit Michingan, Merca
- Cu ayudo di Lotto ATA lo organisa e Duathlon Nacional 2016 diadomingo 11 di september
