fbpx

SEP2016 Milliard 2ORANJESTAD, Aruba - 8 di september, 2016: Den luna di februari ya caba e la bringa den e evento MMA na Detroit, Michingan unda e la triunfa riba Shamier Garcia. Un triunfo cu a pone e atleta di combate, Gregory Milliard di Aruba riba e podium mundial den e deporte di Mixed Martial Arts. Den e ultimo añanan, e deporte di MMA a crece y bira un di e deportenan mas famoso na mundo, mientras Aruba no a keda atras unda principalmente nos hobennan a cuminsa practica e deporte mientras cada evento tabata tin su acohida grandisimo yena di fanaticada.

 

Algun luna atras eventonan manera RFC a hala masha hopi atencion y Gregory Milliard su pelea tabata un di e maint event nan di e anochi ora e la enfrenta nada menos cu Micheal Kuipers, campeon di Hulanda. E atleta Arubano Miliard a logra su victoria y aki ta caminda varios porta a habri. Recientemente e atleta a bay pa varios siman Rio de Janeiro, Brazil unda e la entrena huntocu ekipo di experto den e deporte di MMA. E atleta Gregory Milliard kende ta e campeon di Aruba y Caribe a biaha pa Detroit, Michingan, unda e lo competi den e evento MMA. Awo Milliard tin un record di 30 pelea gana y 6 pelea perdi di cual 27 pelea gana pa knockout.

 

Un danki sigur na Lotto, e Loteria di Aruba pa medio di Comision di Subsidio cu a yuda cubri un parti di e gastonan di e atleta di MMA, Gregory Milliard pa cu su compromiso internacional na Detroit, Merca.

 

Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou di Lotto, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

 

SEP2016 Milliard 1

DMC Firewall is a Joomla Security extension!