fbpx

SEP2016 Movemento pa bida 1ORANJESTAD, Aruba - 20 di september, 2016: Fundacion Movemiento ta Bida, un organisacion non-profit ta traha duro pa conscientisa nos hendenan pa biba un bida unda e palabra movecion ta central, esaki specialmente bou di nos adulto y grandi nan. E aña aki pa seis biaha Fundacion Movemiento ta Bida ta organisa actividadnan di movecion pa nos 60 plussers den e asina yama Jani Brokke Memorial, dedica na e legendario deportista Arubano, Jani Brokke awe den feliz memoria. Un persona cu a representa Aruba varios biaha den exterior como atleta den diferente deporte y te na un edad relativamente grandi ainda a sigui practica deporte entre otro, tennis.

 

E luna di september a bira e luna unda ta organisa e eventonan deportivo pa nos grandinan. Mester bisa cu den varios ramo di deporte lo competi contra di otro esaki den un forma sano y ambiental. Lo por participa cu entre otro softball, volleyball, tennis, atletismo, biyar, bowling, domino, y futbol. Remarcabel ta cu nos comunidad den e di 60 aña y mas cada dia ta birando mas consciente cu pa biba un bida sano haci movecion modera cual ta e elementonan di mas importante, esaki ta yuda relaha e curpa den tur sentido di palabra.

 

Un danki sigur na Lotto, e Loteria di Aruba pa medio di Comision di Subsidio cu a contribui cu e actividad di Jani Brokke Memorial organisa pa Fundacion Movemiento ta Bida.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

 

SEP2016 Movemento pa bida 2

DMC Firewall is developed by Dean Marshall Consultancy Ltd