News
ORANJESTAD, Aruba - 19 di november 2013: En conexion cu bishita Real di Su Mahestad Rey Willem Alexander y Su Mahestad Reina Maxima, Lotto ta anuncia un promocion special pa celebra e gran yegada di nos Rey y Reina.
ORANJESTAD, Aruba - 15 di november 2013: E racha di cambia bida di su hungadonan ta sigui, ya cu e biaha aki, e sorteo di Lotto 5 di 13 di november ultimo, a conoce otro feliz ganado den persona di Gloria M. Murillo. Ta net riba e mesun dia cu e PR di Lotto, Damaris Ridderstap, a haci un 'radio tour' pa conscientisa tur e radio oyentenan di e gran jackpot di Lotto 5.
ORANJESTAD, Aruba - 14 di november 2013: E satisfaccion di mas grandi pa Lotto, e loteria di Aruba, ta ora cu su hungadonan sali ganado y cambia nan bida, cu un di nan sorteonan. Esey ta netamente e caso di Oslin R. cu algun tempo atras a cumpra un auto pa su yiu muhe y a dicidi di hunga e ultimo 4 numbernan di e plachi number, esta 8320, pa dos siman largo.
ORANJESTAD, Aruba – 8 di november 2013: E sorteo di merdia di Lotto, tambe ta masha gusta y hunga cerca e hungadonan di Lotto, cu semper ta purba nan suerte cu un di nan weganan di merdia. Durante e sorteo merdia di e wega Big 4 di dialuna 4 di november, Eric O. a bay purba su suerte, hungando e combinacionnan di fecha di nacemento di su yiu, esta number 1212. E no por a imagina cu hungando e sorteo di Big 4 Merdia, por a haci'e asina feliz, ya cu el a gana un gran total di 57 mil florin na Lucky Angel, situa na Tanki Leendert.
Oranjestad, 7 di November 2013: Desde 1 di juli ultimo, Lotto a reintroduci e wega di Raspa riba mercado y actualmente un gran total di 364.924 florin cash ya caba a wordo parti entre e hungadonan ganado, pues un cantidad hopi grandi di hungado feliz a gana placa cash cu Raspa Y Gana! Ta di remarca cu ainda falta e gran mayoria di e premionan pa parti, specialmente e premionan mayo ta entre esunnan cu falta pa bay ainda.
ORANJESTAD, Aruba – 6 di november 2013: Suerte ta tur caminda y e unico cos cu e hungadonan di Lotto mester haci, ta percura pa nan liña ta na awa y esey ta netamente loke Sr. Teodoro a haci un dia prome cu e biaha pa Boneiro.
ORANJESTAD, Aruba – 5 di november 2013: Diabierna cu a pasa Mini Mega y Mega Plus a conoce un otro feliz ganador. Ta trata akinan di Andreas F. kende a gana
e tremendo suma di 250 mil Florin mas e 100 mil Florin extra di Mega Plus cu el a cumpra na Martha's Lottery, na Noord.
ORANJEST
AD, Aruba – 4 di November 2013: Despues cu Lotto a cera conoci cu e ganado miyonario di e Mini Mega Plus, e sorteo di Lotto di Dia, tambe ta conoce un feliz ganado di e suma grandi di 68 mil florin, y riba e mesun dia. Ta trata di Ramona H. cual semper su yiu muhe ta cumpra e ticketnan di Lotto p'e. Y e biaha aki el a dicidi di cumpra 1 ticket loco pa e sorteo di Lotto di Dia y di Mega Plus pa asina e tambe ta den wega diamars siman pasa.
ORANJESTAD, Aruba – 31 di October 2013: "Ni mi yiunan no sa ainda cu mi a gana", asina Reginaldo Wever, miho conoce como Nady, a conta na momento di a pasa cobra su check na oficina di Lotto di Aruba. Ta for di diamars anochi el a cuminsa ricibi yamada di hendenan cu sa cu e ta cumpra Lotto na Vegas Lottery, pa puntr'e cu si t'e la gana. El a opta pa no check e anochi pero a drumi cu e suspenso te diaranson mainta, ora e rebendedo a yega su trabou pa dune e numbernan ganado y el a bay verifica su shete ticketnan cu el a cumpra di e Mega Plus.
ORANJESTAD, Aruba - 30 di october 2013: Despues di algun simannan largo di e campaña "Gana cu Raspa" di Lotto, awor ta asina leu cu a saca e 75 ganadonan. E sorteo a tuma luga dia 28 di october "live" durante e sorteo di merdia via Tele Aruba.
Pa por a participa, cumpradonan di e weganan di Raspa mester a deposita e ticketnan no ganado, cu number, fam, adres y telefon patras di e ticket, den un di e tombolanan na cualkier rebendedo.
Oranjestad, 23 di October 2013: Na momento cu Lotto a anuncia cu e jackpot di e wega di Lotto di Dia, mester conoce un of mas ganado, e entusiasmo a bira masha grandi y e ticketnan na balor di 2 florin cada un, a bay manera pan cayente. Un total di 40 hungado feliz, e wega di Lotto di Dia a conoce y a reparti e 150 mil florin entre nan.
