News
ORANJESTAD, Aruba - 31 di december 2013: Diabierna anochi despues cu Lotto a saca resultado di su sorteo di Mini Mega, unda cu henter comunidad di Aruba tabata pendiente cu nan ticket, a resulta cu no tabatin ningun ganado di e premio grandi. E premio, incluyendo e Mega Plus tabata un total di 1.1 miyon florin. Lotto ta nota un interes grandi den e sorteonan aki, specialmente pasobra e jackpot ta riba un miyon florin.
ORANJESTAD, Aruba – 26 di December 2013: Lotto, e loteria di Aruba ta cla pa un otro sorteo grandi, e di tres pa aña 2013 den cual e premio ta surpasa e bunita suma di 1 miyon florin. Na luna di mei ultimo a produci un miyonario pa Aruba, despues dia 29 di october atrobe y e intencion ta pa haci mescos e aña aki ainda, si logra saca un ganado den e sorteo di diabierna dia 27 di December.
ORANJESTAD, Aruba - 19 di December 2013: E "Mega Plus" di diabierna awo ta un jackpot cu sigur tur hungado kier gana, ya cu ta trata di 700 mil florin y pa duna tur hende chens pa gana, Lotto ta bin cu un sorteo unico riba su pagina di Facebook, unda cu un di e fanaticonan por gana 2 ticket loco.
ORANJESTAD, Aruba – 17 di December 2013: E weganan di Lotto, e loteria di Aruba, ta sigui cambia bida di su hungadonan, na momento cu nan logra bira un di e tanto feliz ganadonan di un di nan sorteonan.
ORANJES
TAD, Aruba – 16 di December 2013: Lotto, e loteria di Aruba ta partiendo premionan na granel den e dianan aki di fiesta. Esaki sigur ta un temporada masha dushi mes caminda mas y mas hungado ta purbando nan suerte y ta resultando ganado.
ORANJESTAD, Aruba – 11 di December 2013: "Lotto di Dia" a conoce un solo ganado di e premio grandi di Afl. 134.000, esta Elvis V. E ganado di e premio a pasa na oficina di Lotto pa cobra su premio y ainda tabata asina den shock di alegria cu e no tabatin palabra pa describi con contento e ta.
5 di December 2013: Diamars 3 di December tabata un dia di suerte pa Sra. Felipa H. ora cu el a gana 18.283 florin cumprando number pa e sorteo di Mini Mega. Normalmente e senjora su liña ta na awa cumprando su ticket loco y number vast. E biaha aki el a gana e bunita suma cu su ticket loco. El a conta cu el a haya sa cu el a gana ora el buska e resultadonan di Lotto den corant riba e siguiente dia.
ORANJESTAD, Aruba – 4 di december 2013: Apenas algun dia despues di a lansa su campaña grandi pa fin di anja, esta "Go Big 4 Christmas", Lotto ta contento pa anuncia cu diamars merdia caba e bala color berde a sali durante e sorteo di Big 4 Merdia y cu tabatin un feliz ganado cu Pick 3. E ganado, kende a cumpra su numbernan di suerte na Nelly Lottery, ta ricibi e pago 100 florin mas, pues e pago ta subi di Afl. 700 pa Afl. 800, pasobra su tres numbernan a sali den e sorteo hunto cu e bala color berde.
ORANJESTAD, Aruba - 28 di november 2013: "Nos no kier pa e temporada di fin di aña pasa sin mas, p'esey nos a dicidi di introduci un campaña special pa e sorteonan di Big 4 cu ta hunga tur merdia y tur anochi", asina Damaris Ridderstap di Lotto di Aruba a duna di conoce na momento di introduci e campaña "Go BIG 4 Christmas". E sorteo ta inicia 1 di december y ta sigui te cu dia 31 di december 2013, na tur rebendedo di weganan di Big 4 di Lotto.
ORANJESTAD, Aruba - 22 di november 2013: No un, no dos, pero TRES BIAHA, Sra. Marie Magdala a gana premionan grandi cu Lotto hungando su wega preferi, cual ta Zodiac. Como fiel cliente di Lotto e ta percura pa su linea ta na awa y su luga faborito pa cumpra e weganan di Lotto ta Lucky Numbers Sasaki.
ORANJESTAD, Aruba - 21 di november 2013: Lotto su wega Zodiac ta sigi parti premionan fabuloso y Latifa a dal un super jackpot e siman aki cu su fecha di nacemento. Durante e sorteo di Lotto na television, Latifa a haya e dushi sorpresa cu su fecha di nacemento, esta 18 di december, o sea 1812 a sali e number ganado.
