Lotto - E Loteria di Aruba

News

ORANJESTAD, Aruba - 8 di April 2013: Un momento cu tur hende ta masha anosioso pa yega, ta e ora cu Lotto, e loteria di Aruba, ta saca su sorteonan en bibo na Telearuba canal 13. Esey mes tabata e caso di e hungado, Junelka F. cu despues di tabatin un soño cu e numbernan 8010, el a dicidi di cumpra e numbernan aki y tambe pa robez. Normalmente e ta cumpra 1 pida di cada wega, pero e biaha aki, algo a pone cambia su decision y el a cumpra 5 pida di e wega di Big 4, na Why Me Snack.

ORANJESTAD, Aruba - 2 di April 2013: E hungadonan di e weganan di Lotto, semper ta purba nan suerte cumprando sea ta number fiho, algo cu tin di haber cu un soño, of celebracion. Esey ta netamente loke Suehail K. a haci, ya cu su primo a cumpli 27 aña y su mama ta bay cumpli 61 aña y el a dicidi di combina e numbernan aki den pura. El a cumpra su ticket di Big 4 na Dano’s Lottery y awo a resulta di ta un feliz Ganado di 15 mil florin di Lotto.

Mas cu claro, Suehail ta masha contento mes, pasobra e no por a spera cu combinando e numbernan aki, anto den pura, ta loke a resulta den e numbernan ganado di Lotto, e loteria di Aruba, cu ta cambiando bida di su hungadonan.

Dia pa dia, Lotto ta sigui cambia bida di su hungadonan y diamars anochi un biaha mas, Lotto ta sumamente contento di por entrega un check na otro feliz ganado di e wega Zodiac. Egidio M.K. ta un fiel cumprado di Lotto diariamente y ta purba su suerte tanto cu e sorteo di merdia, como esun di anochi.

Normalmente e ta cumpra su weganan na mesun caminda, esta Nelly Lottery, pero e biaha aki e la purba su suerte na diferente rebendedo tambe y diamars ultimo, su numbernan a sali. E numbernan ganado 7043, ta numbernan cu su doño di trabou a soña cu ne y Egidio a dicidi di purba hunga e numbernan ey, wak si suerte ta toc’e.

Si abo ta pensa cu bo kier cambia bo bida, e miho conseho ta pa bo tambe cumpra bo ticket di cualkier di e 7 weganan di Lotto, e loteria di Aruba, pasobra abo por ta siguiente ganado di un di nan weganan. Lotto ta repartiendo premio casi tur dia y ta haciendo su hungadonan feliz y ta contribui na mesun momento cu deporte en general na Aruba.

ORANJESTAD, Aruba – 25 di maart 2013: Lotto ta sigui cambia bida di su hungadonan y e biaha aki ta entrega e check na otro ganado di Big 4, cu a gana e balente suma di 10 mil florin. Leo G. un fiel hungado di e weganan di Lotto, a gana 10 mil florin door di cumpra 2 pida di e numbernan 6011, cu el a cumpra na Gily’s Lottery.

ORANJESTAD, Aruba – 14 di maart 2013: No tin duda, cu Lotto, e loteria di Aruba, ta sigui cambia bida di su hungadonan, na momento cu nan gana cu un di nan 7 weganan. Suerte a toca e biaha na Juanjin L. cu ta un fiel hungado di tur e weganan di Lotto y semper e ta den wega cu e numbernan cu e ta cumpra na Lucky Taurus. E biaha aki Juanjin a gana 470 mil florin hungando e wega di Lotto 5, cu sigur ta un wega masha hunga mes.

ORANJESTAD, Aruba – 12 di maart 2013: Lotto, e loteria cu ta cambiando bida di su hungadonan, a conoce otro ganado feliz cu e wega di BIG 4. E biaha aki ta trata di Monica C., cu ta un otro hungado fiel tambe, cu semper ta purba su suerte cu e wega aki y awo si el a logra saca su combinacion fiho cu e ta hunga tur biaha.

Monica semper ta cumpra su ticketnan di Big 4 cu masha ilusion y speransa y semper ta hunga e combinacionnan di 0811 of 1108. Nunca e por a pensa cu cumprando su ticket, na Bon Suerte Morgenster, di berdad a dun’e e tremendo suerte di gana 10 mil florin hungando Big 4, ya cu 0811 a sali den cabes. Monica a indica cu e placa aki, e lo uza pa bay continua su estudio.

ORANJESTAD, Aruba – 12 di maart 2013: E racha di parti premio ta sigui cu e wega di Big 4 di Lotto, e loteria di Aruba, cu atrobe ta haci su hungadonan super feliz na momento cu nan logra e combinacion perfecto. E biaha aki Big 4 a score cu Migdalia B. cu tambe a bira un hungado mas cu Lotto ta cambia su bida, ora cu el a logra combina e numbernan di su ticket cu esunnan cu a sali anochi na television.

Migdalia B. a pasa busca su check gordo di 28.500 florin, unda cu el a cumpra su ticket y inverti solamente 5 florin na Why Me Shack na San Nicolas. Migdalia sigur tin un bon destino pa su premio gordo y lo bay disfruta di dje.

ORANJESTAD, Aruba – 11 di Maart 2013: E wega BIG 4 di Lotto tambe tin su hungadonan fiho, cu diariamente ta purba nan suerte pa gana un balente suma. Esey mes tabata e caso cerca Arcadio, cu ta hunga su numbernan fiho, cu e speransa di gana semper.

Arcadio, semper ta hunga su numbernan vast, esta 2271, unda el a logra gana 10 mil florin cumprando 2 pida! Mas cu claro, e ta hopi contento cu e premio aki cu el a cumpra na Shahai Take Away y awo sigur e lo haci bon uzo di e placa cu el a gana cu Lotto.

Oranjestad, Aruba - 12 di maart: No ta importa den cua luna nos drenta, paso Lotto, e loteria di Aruba, ta sigui haci su hungadonan feliz y ta cambiando bida di un cantidad grandi di nos hendenan. Apenas nos a drenta den luna di maart y ya Lotto, ta conoce otro feliz ganado di un di su weganan.

Un di weganan masha gusta y hunga pa e clientenan di Lotto, ta e famoso wega di Zodiac, cu ta permiti e hungadonan hunga 4 number den combinacion cu un signo y gana tremendo premio. Señora Hedwig a resulta e ganado e biaha aki cu e wega di Zodiac diabierna 1 di maart ultimo. E numbernan cu el a gana cu ne, ta fecha di nacemento di su subrina su casa y el a cumpra su ticket na Lucky Numbers, situa na Sasaki.

Siman pasa un cantidad grandi di hungado di Lotto, tabata buscando nan ticket pa e ultimo wega di Tic Tac Toe, cu a yega na su final y mester a conoce un feliz ganado di e jackpot grandi. Tabatin un sintonia total 9’or di anochi, unda cu varios famia y amistad a sinta hunto pa hunga e ultimo wega di Tic Tac Toe.

Na final a resulta cu Lotto no tabatin1 ganado, pero 3 ganado feliz di e wega tan gusta aki. Den e ultimo dianan aki tur tres hungado ya a pasa reclama nan premio caba, cu e numbernan ganado; 01-02-08-11-18-19-20.