fbpx

JUL15 2016 landamentoORANJESTAD, Aruba – 15 di juli, 2016: E campeonato Caribbean Islands Swimming Championships 2016 teni na Bahamas ta tras di lomba unda e delegacion di Aruba por mira tras di un exitoso competencia. Nos seleccionadonan a luci durante di e competencia di CISC na Bahamas y por ta satisfecho cu e resultado final obteni. No obstante cu nos delegacion tabata un di esunnan chikito durante di e campeonato aki asina mes Aruba a logra termina na un di 5 luga den 17 pais participante na e competencia di CISC 2016. Solamente Bahamas, Puerto Rico, Barbados y Jamaica a termina dilanti di Aruba, pero cu un delegacion mucho mas grandi.

 

Pa loke ta e cantidad di medayanan obteni, nos landadonan di Aruba a termina cu un total di 38 medaya di cual 13 di Oro, 18 Plata y 7 Brons. E relay team di Aruba masculino 15 – 17 aña consisti di Mikel Schreuders, Patrick Groters, Joseph Winterdaal y Daniel Jacobs a logra e premio maximo di CISC 2016 como e miho relay, mientras e relay team di mucha muher den e mesun edad consisti di Andrea van den Berg, Anahi Schreuders, Keeley Maduro, Rebecca Maduro y Flory Kock a keda na un di tres luga den e CISC 2016. No por lubida di felicita tur e otro landadonan cu tambe e logra gana medaya durante di e competencia aki. Un pabien grandi na e delegacion di landamento di Aruba cu e tremendo resultado obteni na Bahamas y sin lubida AZB hunto cu e staf di coachnan bou guia di entrenador Ismael Santiesteban.

 

Un danki sigur na Lotto, e Loteria di Aruba pa medio di Comision di Subsidio cu a subsidia e seleccion di landamento di Aruba pa e Caribbean Islands Swimming Championships 2016 teni na Bahamas
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio

DMC Firewall is developed by Dean Marshall Consultancy Ltd