Good Causes
ORANJESTAD, Aruba – 7 di september, 2016: Cada luna Aruba Table Tennis Association (ATTA) ta tene su competencia di ranking den tur categoria. Despues di un temporada di vacacion ecscolar a cuminsa cu e weganan den luna di augustus unda a hunga e weganan den e tur e categorianan.
Read more: Federacion di tennis di mesa a tene nan competencia di ranking Augustus
ORANJESTAD, Aruba – 7 di september, 2016: Diadomingo ultimo Aruba Wielerbond a organisa e careda “From Road to Dust 2016”, esaki den conexion cu e cambio di temporada un a bay over di bicicleta di ruta pa mountain bike. E careda a inicia y caba na California Lighthouse.
Read more: Aruba Wielerbond a organisa e careda di “From Road to Dust 2016”
ORANJESTAD, Aruba - 25 di augustus, 2016: Recientemente un delegacion di tennis a biaha pa nos hermana isla di Corsou unda cu nan a participa den e asina yama Grand Slam Development Fund (GSDF) U12 cu ta un pre qualifying Caribbean 12 championship. E dos hobennan Sebastian Ruiz y Abhay Daswani, bou guia di coach Jonathan Goitia, lo hunga den e torneo cu ta uno di 12 aña. Aruba lo ta den pool C, hunto cu Bahamas, Guyana y Surnam. Nan locuminsa na hunga e round robin pa despues avansa pa e “main draw” si nan logra triunfa den tur nan tres weganan hunga. Mester bisa cu e prome tres paisnan lo sigui pa e torneo grandi den luna di November na Mexico, unda lo hunga e finalnan.
Read more: Delegacion di tennis participando den e Grand Slam Development Fund (GSDF) U12
ORANJESTAD, Aruba - 1 di september, 2016: Durante diez dia largo Aruba a host e torneo internacional den e deporte di badminton, cu a conta cu participacion di atletanan for di Puerto Rico, Trinidad & Tobago, Jamaica, Surnam, Republica Dominicana, Corsou, Wales, Guyana y Barbados. E torneo tabata consisti di cuater evento cu tabata e U19 Junior International, Senior International, e Junior U11. U13, U15, U17 & U19 & Team Carebaco y e Senior Team Carebaco.
Read more: Exitoso tabata ta e torneo internacional di badminton na Aruba
ORANJESTAD, Aruba - 8 di augustus, 2016: E campeonato Panamericano di biyar lo tuma luga den e simannan benidero unda un delegacion di Aruba tambe lo forma parti di esaki. Richard Wolff, Aaron Franken, Gunnar Leonardo y Ransley Tromp lo ta nos cuater representantenan cu lo enfrenta e mihonan di henter e continente aki. E campeonato Panamericano lo tin un total di 17 pais participando cu 471 atleta, cualporcierto ta un participacion record. Paisnan cu locompeti contra di Aruba ta Argentina - Bolivia - Bonaire - Chile - Colombia - Costa Rica - Corsow - Ecuador - Guatemala - Mexico - Nicaragua - Panama - Perú - Rep. Dominicana - Uruguay y Venezuela. E campeonato lo den Bola 8, Bola 9 y Bola 10.
Read more: Atletanan di biyar lo hunga e Campeonato Panamericano di biyar na Costa Rica
ORANJESTAD, Aruba - 30 di augustus, 2016: Aruba ta logra clasifica pa e gran final di tennis cu lo tuma lugar den luna di november na Mexico despues di a obtene un di tres luga den e asina yama Grand Slam Development Fund (GSDF) U12. E hobennan Sebastian Ruiz y Abhay Daswani, bou guia di nan coach Jonathan Goitia, a hunga e torneo di clasificacion den tremendo forma. Ambos hungado a presta riba un nivel halto unda nan a gana tur nan prome cuater weganan, hunga tanto den singles como doubles.
ORANJESTAD, Aruba - 4 di augustus, 2016: Recientemente e bolichera Thashaina Seraus a biaha pa Orlando, Florida unda e lo permanece pa un algun dia na e Kegel Training Center na Orlando Florida. Aruba su Atleta di Anja 2015 lo entrena durante algun dia bou guia di algun expertonan cu ta traha den servicio di e Kegel Training Center.
