fbpx

AUG2016 Tennis Patrick SydowORANJESTAD, Aruba - 3 di augustus, 2016: Den e dianan benidero e hoben y alabes prospecto grandi den e deporte di tennis esta Patrick Sydow lo tin un otro compromiso internacional na Monterrey, Mexico. E hoben Sydow kende a caba di hunga un tremendo torneo internacional na Aruba den e tennis TIHTA lo competi den e ITF Junior Cup Tournament. Pa dos siman largo Patrick Sydow lo hunga den e competencia G4. Mester bisa cu Patrick lo enfrenta a miho hungadornan di tennis den nos region cu ta bini principalmente di Merca y Mexico mes.

 

Anja pasa Patrick Sydow a yuda Aruba gana e competencia Junior Davis Cup Pre-Qualifying Central American & Caribbean Zone cu a tuma luga na El Salvador. Tabata pa prome biaha cu Aruba a logra gana e premio aki desde su participacion na 1985 y mas cu claro marca historia pa e deporte di tennis.

 

Un danki sigur na Lotto, e Loteria di Aruba pa medio di Comision di Subsidio cu a subsidia e biahe di e tenista Patrick Sydow pa e torneo internacional di ITF Junior Cup na Monterrey, Mexico.

 

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e comision di subsidio.

DMC Firewall is developed by Dean Marshall Consultancy Ltd