ORANJESTAD, Aruba - 30 di augustus, 2016: Aruba ta logra clasifica pa e gran final di tennis cu lo tuma lugar den luna di november na Mexico despues di a obtene un di tres luga den e asina yama Grand Slam Development Fund (GSDF) U12. E hobennan Sebastian Ruiz y Abhay Daswani, bou guia di nan coach Jonathan Goitia, a hunga e torneo di clasificacion den tremendo forma. Ambos hungado a presta riba un nivel halto unda nan a gana tur nan prome cuater weganan, hunga tanto den singles como doubles.
Nan a habri e torneo ganando di e pais di Surnam 2 – 1, despues a vence Bahamas 3 – 0, sigui pa Guyana tambe cu e score di 3 – 0. Clasificando pa e weganan den e main draw, Aruba a topa e paisnan faborito unda Ruiz y Daswani a logra vence Haiti cu e score di 2 – 1. E unico derota a bini na man di Jamaica 2 – 0 den e weganan semi-final. Asina mester a hunga un wega decisivo contra di Corsou pa asina defini e di tres puesto cu lo duna un clasificacion directo pa e gran final na Mexico. Aki e dou dinamico di Aruba a logra vence Corsou 2 – 1 y gana e derecho di hunga e final di Grand Slam Development Fund (GSDF) U12, den luna di november proximo. Un pabien na e tenistanan hoben Sebastian Ruiz y Abhay Daswani y coach Jonathan Goitia pa cu nan tremendo prestacion na Corsou.
Un danki sigur na Lotto, e Loteria di Aruba pa medio di Comision di Subsidio cu subisdia e biaha di e delegacion di tennis pa e Pre-qualification Grand Slam Development Fund (GSDF) U12.
Cumprando weganan di Lotto, e Loteria di Aruba manera Catochi, Big 4, Zodiac, Wega di Number Korsou, Lotto di Dia, Lotto 5, Mini Mega, Mega Plus y weganan di Raspa bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.
